[صبح المطر]

المشاركة الأصلية كتبت بواسطة هماليل المخيل

السلام عليكم اخواني واحبتي هذه مصافحة ومجارة للشاعر والمشرف صبح المطر على قصيدته صدوق الوسم

هب البراد وذعذن الهفـــــاهيف
والحر حرًًٍٍٍٍٍٍٍٍٍٍٍٍٍٍٍ منطلق من اســـبوقه

خـــــلاص مايحتاج لبه وتكييف
خذلك مع البران ســـــجه وروقه

زل الخريف وحل نو الوسم ضيف
اللي ملك جملة محبيه شــــــــوقه

اول يزاورنا خيالــــــه في الطيف
واليوم فرحتبه نفوسٍ شـــفوقه

يالله بمــــــزنٍ بوله نوه مخيف
ليلٍ مـــــواخيره وبيضٍ اعنوقه
لكن ربانـــــه جبل قطــن والخيف
والريح مطلع شمس حزة شروقه

كنه تقهقربه تبي مـــــزنه ايقيف
كما يقهــــــقر راعي البل ابنوقه

مرخي هماليه من السيف للســيف
حقاق وبله من مزونٍ صـــــــدوقه
ياخذ شهر وجه السماء منه ماشيف
من اليمن للترك ربك يســـــــــــــوقه

يروي ثرى دار البكار المـــواليف
لمـــــا تروا من ســـــيوله اعروقه

ألف صح لسانك أخي الشاعر القدير هماليل المخيل
تسلم وبيض الله وجهك يا أبو حماد
جزلة من شاعر جزل ومبدع
شرفتني بمجاراتك الرائعة
تواجدك يثري الشعر والإبداع
تحياتي