المشاعر لها يومين ما سولفت
وين ما تنتهي كلمة لساني بديت !!
واعدتني مسافير الليال .. و جفَت !!
مير أنا لا زعلت من الزمن ما رضيت !!
لي خطاوي خفاف و. ( قلب ما يلتفت ) !
كل ما دلـّـني وقتي لـ طوعه , غديت !
آآقف أطول من الدنيا ليا وقـّـفت !
من صلافة مقاديري خذيت وعطيت !
وأنت يـ اللي مواعيدك شموع و طفت
منت ماخذ من إحساسي كثر ما خذيت !!
الهبايب شديده .. والسما ما صفت !
في عيونك سرى ليلي وأأنا ما سريت !
لي من الماضي اللي راح .. روحٍ وفت !
جيت أعلّمك عن لوعاتها وإستحيت !
إنشد الهقوه اللي صوتها ما خفت !
كم تذكرت فـ غيابك .. وكم ما نسيت ؟؟
ليه أدوّرك وأسباب الوصال إختفت !
أنت ضرّاك هجرانك عليّ وضريت