السؤال المسافر .. والإجابه تخون
و الخطاوي..!! على نخل الصبا دايسه
كل يومٍ يمرّ.... آهد وابني / حصون
واستعير الصباح ... وغصبن اسايسه
آه يالحزن ياتركي ... شربني طعون
ولا شربت الفرح(لحظه) .. تجي بائسه
كني اقرا كفوف الجاي .. وشهو يكون
وكني آموت واحيا .. والحـزن دارسه
بين صوتي وبين الصمت زحمة عيون
حارسة للضلـوع ... وللفـضا حارسه
لانبت وسط غيم الصبر بعض اللحون
قالت / احذر من التاريخ .. ياغارسه
قلت / لاضاعت الأوراق صدري يمون
والمراسم .. مع الشريان .. متجانسه
بس ياهيه لاضاع الرسن وش نصون؟
مابـيبقى ... على خـيل الزمن فارسه
الشجر روح تثمر والعروق الغصون
ليه الأشجار في وجه المسا عابسه ؟؟
ليه عيني وطن / أو ليه من دون نون
ليه الاحلام ماتت .... مارقت آنسه ؟؟
ليه نشرب دموع الجاي قبل الظنون
ليه بصدورنا طفله ... مهي لابسه ؟؟
ياتساؤل .. كفاني منك / غيّ وجنون
الإجابات مـلـح ..!! بـ عـيني الحابسه
والنهار أحتواه الحزن .. قبل المتون
والليالي ..!!على باب العزا .. جالسه
يازماني دخيل الليل .... يكفي طعون
حارس الليل .. يحرسني وانا فارسه..!!