[تناهيد]

يا جاذب القوس ..
قطعت كل العروق ...... الا وتر
وكل الجبال .............. الا الحجر
وكل الطعوس ........... الا الاثر
وجرحتني .. جر الربابه
يا فتى الجود ..
وبين السبابه .. والابهام
احبس القلب .. ثم اطلقه
صوتٍ أحسه .. واعشقه
هات القصيد .. من الكلام
والروح .. في صافي النغم
ذكرني ..
زهر القحويان في مبسمٍ ..
لو قلت .... فم ..!
عيا النهار لاصابعكـ
تلتفت (عليا ) ......... وتنهدت (نوت )
والعشق من كل الرمال ..... اللي مضت
كنكـ جمعته فـ صوت
ناظرت في حسكـ ..
آثارهم فوق المراح
كن البدو ..
اللي شربوا .. ملح وقراح .. من أول بدايات الصباح ..
أسمع حنين ركابهم
قفوا .. وانا فـ اعقابهم
أبكي على خلي ..
رحل ..
لاجل الزمام ..
ودق الوشام ..
وخرسٍ ........... محاجرها الظلام ..
رد القصايد للكلام ..
وخل الربابه .. يا فتى الجود ..
في قبرها الملحود
تحت الضلوع ..
واخرجني من حسكـ ..!
ود ّ الغريب يعود ..
يا صاحبي بسكـ .. لا تجذب القوس ..
لو هالدموع نفوس ..... كان فاضت .
بدر بن عبدالمحسن