الحـب نكهـة والمحبـة زهـابـه
والصدق مضمونه والأخلاص عنوان
الشوق دربـه والأحاسيـس بابـه
والود نبعه ما ظمأ منـه عشقـان
والعيـن نظـرة دورهـا ينحكابـه
والقلـب داره لا تـوارى للأعيـان
فيه التفاهـم والفهـم بـه تشابـه
والطيب للغاليـن مفتـوح بستـان
حتى الغلا يرقى مـع اللـي غلابـه
ويلامسه كوكب اراضيـه وجـدان
لين يتعانق فـي سماهـم سحابـه
ولا عاد تلقى فالمحبيـن عطشـان
عِشـره بنوهـا بأحتـرام ومهابـه
مكنونهـا إنسـان يبديـه لأنسـان
لو الزمـن لحظـة تغيـر شرابـه
يبقون في بهجة ولا فيـه زعـلان
يامن سـؤاله مالقي له جوابـه
هذي إجابة كـل سائـل وحيـران