[ابن حماد]

المشاركة الأصلية كتبت بواسطة وقاد

صح لسانك صبح المطر


يالله يا ربي مخرج المِيِت من حي
..... تشفي صــدور فيها هم وتحشراج
الشام تطلبنا ولا فـي أيـديـنـنا شي
..... الا الــدعاء والصبر والحال منعاج
غـيـر نـتـقـلب بين اظــلال والـفي
..... وخواننا في الشام تلعب بها انعاج
يذبـحـون اطـفـال وشيوخ ونسيّ
..... فـالارض دبـابة وفي الجــو ميراج
راحت مـعـالمـها وبـيـوتهـا طي
..... يالله تـكـون بـعـون كـــل مـحـتــاج
جـريحــهــم افــداه يــا بـعد حي
..... لا حصل معالج ولا حصل عــــلاج
ذا الـحــال كــاويً كـبــودنا كي
..... يالله عسى لتــالي الامـــر مـخـراج


وقاد

كن الضمايريشـــــــتعل جوفها ظي
والا يملونه على حامــــي الصـــاج

هذي سنه وشـــــهور لاذي ولاذي
الله يعـــــجل للقضـــــــيه بالافراج

والوضع ياوقاد يامســـــندي سي
متعديٍ موضـــــوعها حد الاحراج

الوضع ماهو يابيض الوجه مرضي
من يوم حزب ابليس بالمنطقه داج

يارب تجعـــــــل مالهم ينقلب في
يامخرجٍ ذنون من جوف المواج