بنيت رجمٍ امس باطراف لينه = شمال من رغوه بعيدٍ عن القار
في فيضةٍ شمر لنا محتمينه = عند العديلي راعي الطيب والكار
حمود العديلي بالكرم خابرينه = عزالله انه مكرم الضيف والجار
وابو فهد الله يسعد سنـيـنــــــــه = غدير صيفٍ في متاهات الاقفار
عزالله انه مثل صاري السفـينـــه = وله عندنا بالقلب حشمه ومقدار
لنشفت الارياق يشر بعــيـنـــــه = يشر لذيبٍ من بني اخيه جسار
ذيبٍ على الفزعات يضوي جبينه = من لابة الهيلا طويلين الاشبار
والشمس غابت والقمر محترينه = وصفر الدلال مبهراتٍ على النار
تمتعوا والعمر يقضي بـحـيـنـــــــه = وكثر الحذر مازاد في طول الاعمار
وخلوا الحزن لعيون راعي المدينه = دام النظر يرتد من سقف لجدار
احمد بن عبدالرحمن العريفي
(نديم المجره)