[عابر سبيل]

باكر ان قاله الله نلتقي والغلا
يمحي الحزن كله والفراق الطويل


ديرتن منت فيها ماعليها حلا
لو تبل السحايب قاعها كل ليل


يشهد الله بدونك خاطري ماسلا
الجفا ماقدر ياخذك مني قليل


تدري وين المصيبه بروحتي والبلا
اني رايح وانا ادري انت مالك بديل


شايلك في عيوني عن عيون الملا
كان تبغى دليل اعطيك اكبر دليل


والله اني كريم يعاف شوف بخلا
لكن اني حفظتك مثل حفظ البخيل


ارقد آمن ماغيرك وسط قلبي ولا
ممكن يكون حتى مر عابر سبيل


ضمني ماتكفي ان جيت قولت هلا
المشاعر من الفرقا تحط وتشيل


كل واحد بقلبه ديرته لو جلا
لاتخاف الاصيل ان غاب قلبه اصيل


ديرتن منت فيها ماعليها حلا
لو سحايب مطرها بكل واد تسيل

الشااعر
ثامر شبيب الدقباسي