[مراسل/جدة]

المشاركة الأصلية كتبت بواسطة التميمي

السلام عليكم

الرياح ساكنه ، ودرجة الحراره في شقراء السابعه والنصف 2

والله يكفينا شر البرد واحفظوا عيالكم والصغار ، البارح ولدي عبدالعزيز 7 سنوات جاه امر الله لا يبلاكم ولا من تحبون ، الساعه 11 في اليل البارح نبي نمرح بمان الله وحفظه وإلا هالي يصيح اللهم عافنا والله انك تسمع صياحه وانت وين ، واجي للوليد وش فيك رجلي وين في رجليك واناظر وارصص رجليه يوم رصيت عراقيبه ويصرخ ان لله وانا اليه راجعون واجلسه عند الدفايه وارقيه وادهنه بزيت زيتون خف شوي لكن ما قدر يمشي ، مع اني حريص جدا ابلسهم وادفي رؤسهم ورجيلهم لكن لا يغني حذر من قدر، والله يستر من هالبرد اليوم الصبح قريت في الجريده عن مرض الاعصاب ، وقد يصيب الاطفال في موجات البرد هذه ، الله يشفي مرضانا ومرضى المسلمين ، ولا يوريكم مكروه .

=================

السلام عليكم //

وصبحكم الله بالخير //

================

أخوي أبو عبدالعزيز الله يشفي عبدالعزيز وبإذن الله عارض ويروح //

وأنصحك تعجل عليه بالدكتور لان البرد خطير وخصوصاً على الصغار //

خبرنا عنه الله يعافيه و ش صار معاه //

طمنا عليه يالغالس وما تشوف شر أخوي :32:

================