رجلي اللي واقت الرجم من كثر الهموم
ليتها ماواقت الرجم كان اشوالها
شفت راس الرجم بعض المعالم والرسوم
لاتغير شي منها ولاحدن شالها
وذكرتني من نحت مالفا عنها علوم
مالفاني من يرد الخبر عن حالها
وجد حالي وجد طفلن من الديد محروم
ماتت امه وربعينه ماهل هلالها
وطرق حالي طرق ذودن تلافحه السموم
من لهيب القيض مايرضعن عيالها
وردوهن ليلة السدس عدن للبقوم
ونها عن جمها يقصر ن حبالها
وبركت منها الحشيمه وعيت لاتقوم
والدلي ما تلحق الجم واعزا لها
وعتزا راع الحشيمه يبا يقض الزوم
وهايفت به طيت اللي طويلن جالها
قاله اللي وايق العصر في عال الرجوم
وذكرة عين الشقا ونحدر همالها
طير ياللي فالهوا سابحن ريشك تحوم
ضمني بالريش اباشرف على منزالها
ودني من حط قلبي ضريبه للسهوم
يرحمه ولا ترا حالتي يرثا لها
ماجداي الا اسهر الليل وعد النجوم
لين منهن نجمة الصبح تبقا لحالها