هب البـراد ووجهتـه مـن شمالـي
وجتنا علوم الحيا بالصوت والصوره
قم شغل الجيب تكفى يـا بعـد حالي
نبي لنا ديـرة (ن) بالسيـل مذكـوره
النفس ملت مـن الجـدران وظلالـي
نبي السعة عن محيط الدار وقصـوره
بالبيت كني سجين وجالـس لحالـي
حتى النظر لو نمـده حاجبـه سـوره
نبي الوناسة معك يـا طيـب الفالـي
نأخـذ لنـا بالفيافـي والفضـاء دوره
في ديرة(ن) مابها جـوال وإرسالي
مرتـاح بالـك بـلا صجـه وفاتـوره
نبي لنا فيضـة (ن) وشعيبهـا سالـي
تنطحك ريحة نفلهـا بأجمـل عطـوره
النار شبت وصفـت حولهـا دلالـي
وفراشنا حولهـا والنفـس مسـروره
أخفنـا للنشامـا صــب فنجـالـي
فنجـال بنـن يـرد الفكـر لشعـوره
هذي حلاة الوناسة بالخـلاء الخالـي
الروض الأخضر وريح العشب وزهوره
تحياتي لك
اخوك ابو / يزيد