السلام عليكم ورحمة الله وبركاته ،،،
مساء الخير والمسرة للجميع ،،،
اطلالة جديدة وببوح جديد بأمل ان ترتقي لسمو الذائقة هنا ،،،
@@ (( ثمان سنين ياااوي منها )) @@
ياوجد حالي وان طنا كـــــــــل مردوف
بظهور ضمّر زاهيــــــــات السفــــايف
عيسي ٍ عليها كــــــايد الوسم معروف
للآبة اللي ماتحــــــسب الكـــــــــلايف
تليموا عقب العـِـشـــــاء لأمر مكلوف
وتشاوروا مابينهــــم للحتــــــــــايف
حشمة عقيـــد ٍ لابدا كـــــله عـروف
قولة ســـديد ،، وفعله بكل نايـــــف
ياليت لـــي معهم مهمات وصـدوف
واليـــا طلبت العون جوني ولايـــف
لا انخا يروحون بجواب ٍ به حروف
للصاحب اللي نار بعده كـــــــــلايف
اللي ثمان سنين قفت به ظـــــروف
وانا على عذر اريش العين وآلـــف
اي بالله اني من غيابه بي حتـــوف
لانيب لا ناسي ،، ولاهوب عـــايف
وسلامة من تابع وتواضع ،،،
( ابو هليبه )