[خالد بن منشار]

[ALIGN=CENTER][TABLE1="width:80%;background-color:gray;border:10px ridge darkred;"][CELL="filter:;"][ALIGN=center]


تضحك وتتمايل صغيرونة القد
وتهيّج احساسي الى من حكت لي


في حكيها رقّه وفي صمتها جد
اموت فيها لا اقتربت ولمت لي


في قلبها طيبه وماتعرف الصد
لا ضقت ماترضى واذا رحت جت لي


ابوسها في يد وآبوس في يد
واضمّها لامن ضميت وضمت لي


وابوسها عالراس واحيان فالخد
واذوب اذوب ابحضنها لا دنت لي


اموت فيها والهوى مالقى حد
ما ملّ حبّ اللي بعيني صفت لي


تودّني وآقابل الود بالود
كلّ الحنان اعطي لها لو شكت لي


تشتاق لي لا غبت واشتاق وآعد
كل الدقايق واتلي الحب واتلي


القلب مسكنها وابد مالها ند
هي وحدها فالقلب تآمر بقتلي

[/ALIGN][/CELL][/TABLE1][/ALIGN]