اقتباس:
المشاركة الأصلية كتبت بواسطة وتشرق
ما شاء الله تبارك الله
اللهم اجعلها أمطار خير وبركة ، وعم بنفعها أرجاء البلاد
( ... متأثر بكراني والعيوني ... )
والفرحة يا أبو صالح فرحات ( ... والله يديمه ... )
وإذا اشتكى المركوب فتراه معذور
بس . ما أعجبني منظر الرجال اللي على جال الشلال ... أحس إنه ما له داعي
وتحياتي لرفيق المطارادات ، وأنا أشهد إنه مخاوي ذيب
( ... قل ما عليك زود ... )
والله يحفظ الشبل لأهله
والحديقة اللي جنب بيتكم العامر لنا فيها ذكريات ...
وحولها الكثير من أحبة السنوات الثمان
....
والظاهر كشتتنا الخميس حولكم
... |
حي الله ابو علي
الله على أيام كراني والعيوني
والله يغفر لهم ويرحمهم ويمد بعمر من بقي على الطاعه
يارجال جتكم جميع هالمرهـ أمطار وفوز يوم لا ينسى بالنسبه للأصفر
أما المركوب فذكرتني بالوالده الله يحفظها كل ما ركبت معي وطاردنا المطر قالت (ممنوع ركوب الحوامل)
أما الرجال فعلاً أبو علي والله طافت علي ولا إنتبهت لها
بعدين إغفل أنت فطنت الناس لها , أنا وهو أنا راعي التقرير قسم بالله رجعت أدور بالصور وين هالرجال عند الشلال بس أشوى ماهوب واضح مره والدقه مخفضه كثيراً حتى لو بتكبر الصوره ما ينفع (تحبب)
والله يحفظ عيالنا وعيالكم وشباب المسلمين
أجل حديقة اريج تشكي منكم هههه
تصدق على إنها ملاصق للبيت إلا انني لأول مره أدخلها
والله مير يحييكم
دمت بحفظ الله ...
لحظه لحظه نسيت أقول
(ما عليك زود)