[طلال الرحيلي]

المشاركة الأصلية كتبت بواسطة ذهول العاصفة

اتصدق يا ولد حريملاء
انا من زمان اهتم في الطقس مو مرة زيكم انتوو وصلتو الى المنخفضات وغيرها من الامور الصعبة في التحليل انا على درجة الحرارة الرطوبة السحب و الرياح يعني اهتم فيها
وكنت اعتقد اني بحالي اللي مهتم بهذي الشغالات عاد اللي معي هداهم الله يقولون شف الشايب
مغير طقس والحرارة وغيرها من الامور
بس يوم شفتكم قلت نص الشباب حق طقس
خاصة اهل المدينة طلع اغلبهمممممم

السؤال الذي يسدح نفسه
ايش اللي دفعك الى متابعة الطقس
مدري انا ايش اقول بس كذا من يوم جيت المتوسطه وانا اهتم حتى اني اذكر
ان كان عندي دفتر والى الان اها على تلكــ الايام هههههههههه
اسجل كل مطر يجي بساعه وبتاريخ وصفه وكل شي
وصرت اسجل الين حسيت ان الامطار قلة عاد قلت من بعدها تركتها
ايام

والله انا تقريبا زيك اتابع الطقس وانا والله العظيم في الصف الابتدائي ياخوان في الصف الثاني والثالث واتابعها بدقه اقسم بالله اني ماتفوتني واذا راحت علي الساعة 30/9 اسهرلها الى30/12 ودائما انام والتلفزيون شغال ووسط الصاله انام وكنت مغير مراقب فوق الجدان وسط الظهاري اناظر المزن مانزل البيت اجي من المدرسة ماانام اخيل (والى يومك هذا لوشفت سحابه يويلها مني والله مطارد مافكها)
وكان الجميع يتكلم علي هاه وش قال حسن كراني اليوم هاه وش التوقعات هذا الكلام
كان يقولونه لي اصدقاء الوالد واصدقاء اخواني الكبار كل ماقبلتهم وهناك قصص وقصص الى ماكبرت وعرفت احد المنتديات واعتقت اني لوحدي احب الطقس مثلك
ووجدت الكثير وماصدقت ابد فرحت واجد واكتسبت وازدادت الخبرة ولله الحمد
والان عند اجتماعت الاقارب والاصدقاء يسالونني واعطيهم وافيدهم والحمد لله