افراحي من اوّل عليها البخت مال
تشكلت مــع حزنـي وشكلتنــي
واليوم لا طابت ولا طيّبت فــال
شكيتها ساعـه وساعـه شكتني
ملامحي في كـل نظره لها حال
اتعبت نظرة صاحبي واتعبتنـي
والناس لو اعطيتها من يدي مال
ابــد تراها جاحده مــا عطتنــي
صادفت في وقتي من العالم أنذال
كـل الــدروب لذاتـهم وقفتنــي
اقوالهم ما عمرها صارت افعال
ما حرّكت شعره ولا حرّكتنــي
الله يلعن جاجتي لو هي رياال
اموت ولا اطلب حاجة ٍ ذللتنــي
مشيت في دنياي عابر ورحّال
كل الهموم آشيلها فوق متنــي
واليوم اجر ّ من الغرابيل موّال
سود الليالي في قدمها وطتنــي
مما
راق
لي