[غانم الضومري]

المشاركة الأصلية كتبت بواسطة صبح المطر

السلام عليكم
وأسعد الله جميع أوقاتكم

قصيدة أتمنى أن تنال بعض القبول

/

الجو روعه والمطر ينعش الروح / # / وعزي لمن مثلي حداه الدوامي
البارح البارق سمر واذهل البوح / # / غازل جبل سلمى وهل الغمامي

ابطى رفيفه في متاقيه له ضوح / # / هيض كنين القلب واشعل غرامي

يابو مهند نايح الورق بالدوح / # / دايم على الفرقى يجر الهيامي

والشوق لو نجحد طواريه مفضوح / # / رمحه على حدب المعاليق دامي

كم شاعر ٍ مثل معانيه بالنوح / # / يسهر وعينه ما تذوق المنامي

والشعر ما هو بأكثر الوقت ممدوح / # / الشعر فن وطرق واسلوب سامي

لا صار زيف وطيش وهياط وصفوح / # / وامدح مقامك يوم تمدح مقامي

سراب قاع ٍ يتبع الشمس ويروح / # / تذبل وروده مع حلول الظلامي

وما كل ذنب ٍ في نواياه مدموح / # / ما تنفع الأعذار عقب الملامي

يا هيه ياللي تقطع الوصل مسموح / # / ما عاد لك بالقلب ذروة سنامي

لو كنت بعيوني عن الغيد مملوح / # / ما ارضى على نفسي تشوف انهزامي

خلاص من حب ٍ يجي ظلم وجروح / # / خلاص من حبك طويت الخيامي

صبح المطر

شكرا صبح المطر على هذه الرائعه
سلم البنان والفكر واللسان
..
.

الله على صبح المطر باح له بوح .. روعه وربي ما بها أية كلامـــي

من زينها خلتني أجلس ولا اروح .. تروي عطش زوارها والضوامي

اللي طلع من داخل الروح للروح .. يدخل بوسط القلب قبل الخيامي

..
.

تحيتي لك ولذوقك الرفيع