هذي سالفه سريعه حدثت هذا الاسبوع وهي ان احد الاقارب يعمل في شركة امريكيه ضخمه لها مشاريع في الرياض طبعا هذا الرجل كبير في السن ودائما ما يذكر للخواجات الامريكين عن الربيع في السعوديه والروض والفياض وحبه لها الشاهد ان الرجل كشت لبعض الروض اللي حول الرياض واخذ صور للورود وخاصة على قولة بعض الشباب وردة جبنة بوك ولما شافوها قالهم ان هذي الورود هي نتاج مطره كانت قبل ثلاثة شهور طبعا لا تستغربون اني لما اقولكم انهم اندهشوا لان الطبيعه اللي موجوده في ديارهم اغلبها هي اشجار خضراء عشان كذا استغربوا بشكل كبير من تنوع الورود الموجوده ومن مطره وحده تحولت الارض بهذا الشكل الغريب وهذا ان يدل ان ارضنا قابليتها للطبيعه الخلابه قوية جدا متى ما كان هناك امطار متتابعه وماهي اي طبيعه خزام وببونج وغيره من الورود وهذا شي نحمد الله عليه ونشكره فما بالكم لو حدثت امطار متتابعه علينا لمدة شهرين مثلا متواصله ماذا تتوقعون ان تكون شكل ارضنا وان شاء الله يحدث وليس ذلك على الله بعزيز. الشكر للاخ ضلع شعيفان على الصور الجميله من روضة التنهات