اقتباس:
المشاركة الأصلية كتبت بواسطة صبح المطر
السلام عليكم ورحمة الله وبركاته
أبيات متواضعه أتمنى أن تجد القبول والإعجاب
/
ابطى المطر يالله توافيق الأحوال # يالله تبدل حالنا بالرجوعي
اللي تعل الدار وتزين الفال # ديم ٍ عقب سيل ٍ يركب سبوعي
لين الشعب تمشي من الجال للجال # تسقي مهاشيم النخل والزروعي
من مدلهم ٍ لا نشى كنه جبال # ثقيل رعاده يشوق السموعي
نوب ٍ حقوق ونوب سوقات همال # ضافي خياله ما بنوه مزوعي
ما فيه واد ٍ من مراديه ما سال # جلا الغبار وعاضنا بالقطوعي
ولكم التحية
صبح المطر |
ياصباح الخير ياصبح المطر .. مرحبا مليون في وبل المخيل
ملتقانا في حضورك ازدهر .. يرقص النوير في وسط المسيل
والخزامى عانقت خضر الشجر .. والطليح الواقفه صارت تميل
كل من يقرا حروفك ينبهر .. والبراري جوّها أصبح عليـــل
في فيافيها تمشى واستمر .. سج رجلك وسط هالروض الجميل
...
إستجاب الله لنا ولك الدعاء .. وجمعنا الله وإياك في الملتقى
تحيتي وتقديري