[سمو المشاعر]

((الـنـوادر))

يا الله المطلوب يسّر ما طرالي = وانت للعطوى لطلاّبتك قادر

بعدها التسليم يا جب للرجالي = والمعرفة دمٍ ماني له بهادر

ما نسوقك يا السلام الا لغالي = غاليٍ لا قنبعت ما هو بغادر

جيت ابارك واشهد انه طاب فالي=سجلوني عندكم ضمن الكوادر

راس مالي غترتي والا عقالي = والعلوم السامية والفعل نادر

مجمع الغالين وكرام السبالي =من نوادر لا تغادر لا تغادر

من بغى العليا يجيها ما يبالي =ومن بغى السفلى هنيّا للورى در

ومن تعلّى في شواهيق الجبالي = ما يهمه سيلها لا صار حادر

ومن يورّدها على العد الزلالي = ما يلام اليا قعد ما هو بصادر

ومن بغى يشمخ مع اصحاب المعالي = علمّوه انه هنا لازم يبادر

والبعيرإن مارتكى وللحمل شالي=وش نبي به في السعه لاصار هادر

والحقيقة جابةٍ لازم تقالي = النوادر كلّبوهم في نوادر