[طارق المحمد]

ليه لامنك على بالي طريت
........ تمطر الاشعار في قلبي وانا

اكتبك واقراك واشعر لا قريت
........ منت عادي بين ضلعيني هنا

انت تركيبه قصايد وإيتكيت
........ انت تركيبه مواويل وغــــنا

انت حاجه نادره فيما إحتويت
........ لاهي شمس ولا هي نور ولا سنا

من لقيتك مادريت إني لقيت
........ قلب نساني همومي والعنــا

ريّح ظنونك مدام إنك دريت
........ خافقي في قرب غيرك ما أهتنا

في غيابك من كثر ماني شكيت
........ قمت احس الموت ياعمري دنا

وصرت أتمتم والخفوق اللي هويت
........ أسألك بالله قلي وش جنــــا ؟؟

صرت اغني كل مـ فبالي طريت
........ " من يحبك كثر ماحبك انا "

سكر ابواب القصايد لاسريت
........ الشعر في ساعه غيابك فنـــا

راقت لي

تحياتي طاااااارق