[صلاح الزعاقي]

المشاركة الأصلية كتبت بواسطة ولد حريملاء

وعليك السلام ورحمه الله وبركاته

هلا والله وغلا .. الموجودين فيهم الخير والبركة والله يديم علينا الامن والامان والصحة والعافية

إن شاء الله الاجواء كل مالها وتتجه للاحسن .. ونهاية الشهر الحالي أقواها بإذن الله

لكني متفائل خير اول او ثاني العيد بالمنخفض الجاي والله يكتب لنا الخير ويكون مركزه على تبوك .. يارب

أهم شئ مراقبة الرياح .. وش رايك .. خبرتي بسيطة في الرياح .. ماهي الرياح الاجمل للوسطى

هلا أبو بدر أقول لا يفتى ومالك في المدينة

لكن الأولين عندنا إذا هبت الجنوبية ليلا في الشتاء تفاءلوا بالخير صباحا وإذا هبت في النهار أوضعوا

يعني كفوا عن ري زرعهم استبشارا بالخير 000 وين حنا والأولين 00 ما عندهم حسد والمعاصي

قليلة وتأتي عن جهل بالدين 00 والزكاة لا تؤخر ( وتجارتهم بالحلال ) الله يرحمنا ويصلح حالنا

رحمة الله أوسع من ذنوبنا وعسى الله يهدي المسلمين ويؤلف بينهم

الجنوبية مثيرة للسحاب والنسرية ملقحة ويستمر معها الخير ليغطي مسافات بعيدة

والنسرية غير جيدة إذا هبت على جفاف وعدم وجود سحب

الغربية نسميها الماحقة في الشتاء أما في الصيف ( الربيع ) فلا تستمر وإذا هبت أثناء وجود السحب

الثقال فهذا نذير مطر غزير أوبرد لأنها رياح هابطة

عاد الشمالية ما أحد يحبها خاصة في الشتاء :2: