[القبطان]

إهداء الى كل احبابي واصحابي الاعضاء بمنتديات البراري..

عيني تناظر بارق ٍ حروة الحار
وشاهدة أنا المنشأ سحاب ٍ تغشّا

يازين سجّات الخلا عقب الامطار
أنشهد أنه ينعش الروح نعشا

وركبت جيب ٍ مامشى توه اصفار
يهقويك لا تزمل ولا منه تخشا

والسيل شوف العين واقف وحدّار
وباقي المطر مازال دوبه يرشّا

بارض ٍ غدة ريضانها كله ازهار
والنقع يبقى له زمان ٍ ينشّا

ومعك رفيق ٍ لك خيار ٍ من اخيار
مثل الذهب مابه خداع ٍ وغشّا

وبعض الفيافي عشبها كنه اشجار
ريان عوده مثل بنت ٍ تمشّا

وشعمت انا ويا رفيقي سنا النار
نوقد سمر ماهو قشاش ٍ يقشّا

وبرية ٍ من سوق صنعاء هل الثار
وحمستها لين العرق منه بشّا

ودنيت في نجر ٍ دعا كل مرار
لسماع صوته اكثر الناس عطشا

وضبطت انا ثنتين هيل ٍ ومسمار
شربه علاج ٍ للذي مستغشا

انشهد ان البر عز ٍ للاحرار
ويحيي قلوب ٍ حشه الهم حشّا