البل ترعى الحيا وضح ومجاهيمي
الطف بنا يا لطيف وياالله الرحمه
عند اختلاف المبادي والمفاهيمي
عشنا وشفنا عسى الله يحسن الختمه
ويقسم لنا الخير من خير المقاسيمي
وأنا اشهد ان الحظيظ اللي عن الزحمه
يم الخلا مع حلاله دايم مقيمي
والعشب مدّ النظر ما داسته جزمه
والبل ترعى الحيا وضح ومجاهيمي
يرتاح باله وينسى الهم والكتمه
لا شاف مزنٍ من الوسمي مقاديمي
اليا شعق ضوح برقه واشعل العتمه
وارهش وجهى غشينه له حناتيمي
شعر-خليل الشبرمي
|