[غيمة جده]

قصيده جميله للشاعر المبدع علي الهويلمي

اعجبتني واتمنى ان تحوز على رضاكم

على كثر زين الملامح والازوال

على كثر زين الملامــح والازوال = بدروب عمري عفتـها واحتريتك

بالنفس عنها صد وغرور وجفال = وحيث انك اشهى من حلاها نصيتك

من ياصلك بالذوق والواو والدال = وانت المــودة ســـور قلبك وبيتك

كنت الامل من قبل ما اعرف الامال = كني قبــــل معنى البـــداية بديتـــك

واثرك بدمي يوم انا طفل واختال = والى دعاني طرف غيرك دعيتك

اشرقت بي مثل البساطة بالاطفال = ومن قبل ما اعرف النوايا نويتك

ولا ناحت الورقا على راس ما طال = صحّـت لحونك بالعروق وشديتك

واقبل غلاك وفي شعيب الحشا سا ل = كنك تقول ابشر ترى ما نسيتك

كنك تحقق رغبة القلب لا قال = ودي تحقق رغبتي لا رجيتك

في سلسبيلك شهد وبغيثك اذهال = انا الغريق بما غلاك وضميتك

ياليت طيفك لا طرى لي على البال = دخلــت في بــــالي عـــليك ولقيتك

قلبي وعقلي في متــــاهات وجدال = الا معك يـــــــاللي بروحي حميتك

اغليك لا والله غلاك انعش الحال = وحكمت ريضان الشعور ورضيتك

وان كان غيرك اعلى القلب يحتال = سرحت في مظلم شعرك وسريتك

اقبال غيرك هم واقبالك اقبال = ولو كنت غيرك من يميني رميتك

كل العمر لغز ومتاهات واشكال = لو ما غديت اجمل طريق ومشيتك

وكان الغلا هم و غرابيل واذلال = حدّرت لك مع سيل دمعي وجيتك

يامطفي ٍ نور الملامح والازوال = معذور لو عفت الملا واحتريتك