لاهنتَ يآمحبوب قلبي وسيـده
على احترامك للمشاكـل والاوجـاع
اجرح ترى ماهـي عليـك بجديـده
ذي عادتك في كل مشتـى ومربـاع
مدري مـن التعذيـب وش تستفيـده
وانا عيونـي فيـك ضميـا وجيـاع
طوعت لـك قلبيُ علـى ماتريـده
لولا غلاك اللي سبى الروح ماطـاع
قلبـي تـرى ماكـل حـي يصيـده
اصعب على الخفرات من حب الاكواع
خفف عليـه مـن العنـا لا تزيـده
هماَ علـى مافيـه ياشيـن الاطبـاع
والماضي اللي فات وشلـون اعيـده
واعيد لي شي على خاطـري ضـاع
حلمَ رسمـت بـه الحيـاه السعيـده
اقفيت عنه وراح من غيـر مرجـاع
الله حسيبـك كيـف فكيـت قـيـده
وهو من اول مبركه بيـن الاضـلاع