ياهوى بالي طلبتك لا تغيب
عقب ماذقت السعاده والهنا
في وصالك زال همي ياحبيب
لاترجعني لحزني والعنا
انت حبي وانت لجروحي طبيب
اسألك بالله دونك ويش انا ؟
لو مرضت بشوفك استانس واطيب
ويتبدل كثر نوحي بالغنا
اهتني مادامك بجنبي قريب
شف نجوم الليل فرحانه بنا
عاشقك حزة شبابي لين اشيب
يافرح قلبي .. وشوقي .. والمنى
ان فقدتك صرت في داري غريب
لو جميع الربع من حولي هنا
لو شكيت اشكي ولا لي من مجيب
لين اشوف الموت من هجرك دنا
طالبك طلبه تجمّل لا تغيب
عقب ماذقت السعادة والهنا
|