كريم يابارقٍ عقب العشا ناض
تصوير- عبدالله الطريقي
أحمد السكران
كريم يابارقٍ عقب العشا ناض
اللي على ديرة الخلان ياضي
شوفه عن القلب يجلي كل الامراض
وسحابته تودع الزعلان راضي
والسد يوم انهمل وبل السما هاض
وهيض مع السد زملوق الرياضي
جعله مطر رحمةٍ نفرح ونعتاض
ونعيش عيشة رخا حاضر وماضي
نبي بوقت الشتا جلسة ومركاض
ويصير للبر والطلعات حاضي
وعقب المطر تصبح ارض الزلفي رياض
واقلوبنا تمتلي حب وتراضي
يالله يالله عقب البرق ماناض
يمطر سحابه مدام البرق ياضي
|