الله من قلب تمزى تمزي -- ----- مثل النفيض الياقفاه الهبوبي
من حر مابي من حلا النوم افزي--- --- الياطرى لي بالمنام محبوبي
عندك خبر جرح الموده يجزي -------- قد ذقت حب امطربات العجوبي
اليانطحني بالهدوم امتوزي ----------- ياخوي لوقلبي حصاة يذوبي
واليا التفت يمي وبالعين خزي ------- كنه يقول اذبح وانا اقول اتوبي
ياعود موز(ن)والهوى له يهزي ---- يسقيه شط(ن) من عذى الشروبي
والعين عين اللي عن اللمس نزي ----- نزت جزع عقب الفياح معروبي
والعنق عنق اللي تذير وفزي ------- اوحى ولاثبت شمال وجنوبي
ان قلت وين الرزق قلت انت رزي -- وان قلت عنك اتوب فانا الكذوبي
------------------------------------------------------------------------
الشاعر -- شبيب بن جعيلان