[ممدوح الجهني]

المشاركة الأصلية كتبت بواسطة نورالكون

الله عليك ياتوحه --ابصملك بالعشره انك ريس ونوخذه بعد--
وعلى طاري ابوقرن لامنه جاك يعلف يعني يتلاطش بأذنابه فوق الشعب ويرعى من النشف والقصار اللي هو نوع من العجرين مثل ماذكرت
وكمان يجيك سمين بطرا ماهو مثل اي وقت ثاني وبعد ماتصيدها طال عمرك وتقطعها فرن ومع ذاك الحمر والبصل وشوي بهارات
وصحن الرز تحس انك سوبر مان
وهذى صورتها

ومجموعة ابوقرن يسمونها زغل
وكمان لاننسى الحريد وطريقة نشره مثل طريقة نشر ابوقرن وتسمى مجموعة الحريد(خمشه)
وهذي طريقة نشر الزغل او الخمشه


وهذه الاسماك التي تصطاد بهذا الشكل من الذ الاسماك وصيدها يكون في النهار والحريد اللي يرعى في النهاريجي صنفان فقط وريق-- وخصي كما هو واضح في الصوره

هذا الوريق يوم انك تقطعه فرن وتحط كبده معه مع شوية ملح وبهارات فقط وبعد مايستوي تفته مع الكبد وشوف كيف (تلبس العافيه بأمر الله يارجال)
تحس انك فارس على صهوة جواد

وهذه يسمونها الخصيه يازينها مقلي والكبد مع الرز
وهذه افضل انواع الحريد التي تمتاز بطعم لذيذ لايقاوم
طبعا توجد انواع من ابوقرن والوريق والخصي يصودونها بالليل لاكنها تكون ميته يعني ماهي سمينه وفرق بين السما والارض والكثير لايعرف هذا الشي
اما البحاره يفرقون بين حوت الليل والنهار ويعرفونها بشكلها
وفي شهر رمضان وانا في طريق العوده الى جده مارا بثول قررت ان اشتري حوت من عند المصاريه في محلات بيع السمك
فوجدت عنده من الحريد اللي ذكرناه الوريق والخصي طبعا ماعجبني لأنه سمك من صيد الليل فقلت للمصري هذا حوت ليل قال يعني ايه حوت ليل فقلت يعني ميت فقال -- اومال انته عاوزه حي

هههههه وكنت اقصد انه ميت يعني مو سمين وطول ماانا ماشي بالخط وانا اضحك

ههههههههه الله يسعدك اخوي نور الكون

ايش عرف الشاوي لفرك اللواليب انا اشهد انه متعوس الليالي

الشايب يقولي وقت الزهو خذ ابو قرن وانت مغمض

بالحقيقه شغل متعوب عليه وتشكر عليه وعسى الله يرحم من عقبك