[ممدوح الجهني]

المشاركة الأصلية كتبت بواسطة نورالكون

وكمان يسمونه هوري (( وشار))
وانقرضت على ما اظن بعد مافصلوا عليها الفيبر على مقاسها
وطال عمرك يعجبك يوم انك تبطح عليه الشوار السلابي والموجهات
ام ثلاث طبقات (اربعين شقه ) وكل شقه 14 متر وترفع الشعب ايام العريات ((خل المرافع))
والبحر يجدر والحصيل العربي والقاص والجعابير والحفار
وهذا (الخل) بعد ايام النصيريات يضبط وراح ادعم معاك الموضوع بشرح هذه الحرفه قريبا ان شاء الله

هلا والله باخوي نور الكون تواجدك مميز واضافتك مميزه لاعدمتك
نعم معاد نشوفها الحين نشوف بعض الدناقي والشطيات وراحت القطاير
والجرادي اذكر في ينبع في جردي لازال يعمل وقيد شفته قبل ثلاث سنين مرسي عند بنقلة ينبع

نسيت ان اعلق على السريداني عسى الله يبيض وجهك

السريداني هو مثل الكانون اللي يحطون الجمر فيه وكان يستخدم
للطبخ داخل السنابيك والجرادي وهوعباره عن برميل مشقوق
يوضع فيه حجر ويحطون الفحم فوقه اما الان حلت محله الدوافير
على الفيبر جلاس

ودي الاخوان يطلعون على كل المصطلحات
وبنفس الوقت تكون مرجع واتمنى من عنده اضافه لأن المسميات تختلف من مكان الى مكان
فالموضوع منكم واليكم وتحت تصرفكم لاهنتو