[خالد بن منشار]

[poem=font="(Diwani Letter) ,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]


انا راحل عن عيونك وابيك بكلمتين صغار=إلى من ضاقت احوالك تذكّرني ورددها


( احبك موت ) رددها بقلبك تنبت الازهار=(احبك موت) معناها حياتي فيك مولدها


تذكّرها وتلقاني بقلبك كلّما تحتار=تلاقيني مع اطيافي بروحٍ كنت تجهدها


بسافر يابعد عمري طويله سكّة المشوار=تركت القلب بيدينك وروحي معك بفقدها


لك الذكرى تناديني ويحرقني لهيب النار=ولكن خطوتي ترفض رجوعي لو أعاندها


انا مكسور في نفسي وخلّيت الجروح اسرار=أبآخذها مع اغراضي وبرحل قبل تشهدها



صحيح ان الحزن قاسي ولكن ماتفيد اعذار=كبرنا عن طفولتنا ووقتٍ كان يسعدها


خلاص اليوم ودّعنا زمان وباقي التذكار=تسلّينا بوحدتنا ونسلى في مشاهدها


دخيلك لو بكت عينك وهلّت دمعتك مدرار=ترى روحي مناديلك تكفكف دمع يوقدها
[/poem]