[عاشق الرياح]

المشاركة الأصلية كتبت بواسطة خالد العمر

أخي ما أثبته العلم التجريبي ليس من الغيب اطلاقا كمعرفة احوال الطقس وحركة العوامل الجوية لا ينفى أطلاقا ولكن الجزم هو المنفي وكثيرا ما يثبت أشياء وتتلافى
وكذا تحديد مناطق بعينها ؟؟
اما مجرد الطرح الفلسفي الغير مستند على تجربه حقيقيه نحن ننفيه حتى يثبت كالشمس في رابحة النهار
كمثل اثبات كونه وجود براكين فوق القمر
أشكر لك تواصلك
لم يصعد للقمر إلا أحاد من الناس والواجب على المسلم ان يقول فيما لا يعلم الله أعلم
المهم أن التصور عن الكون بين المسلمين يختلف كما تختلف به العادات والأخلاق

طيب وشرايك في بعض الجهله يقلون ان الارض ثابته ماتتحرك وكنت مصدقهم لما درست ومع كلام الله سبحانه تأكدت ان الارض تجري لمستقر لها وكلن في فلك يسبحون
التفكر والتعلم والتجاارب توصلك لعلم ومعرفه وحتا لو نعرف الكثير والكثير(وما اوتيتم من العلم الاقليلا) وصدقني لو العالم تتفق ان الارض ثابته بقولهم طيب وكيف الرياح تمشي اكيد الله سبحانه الي يحركها بس ليه السحاب بالصيف يتحرك من الشرق للغرب وبالشتاء العكس من الغرب للشرق كل هذي بدوران الارض وسبب دوران الارض بامر الله جعل هناك رياح علويه تختلف عن الرياح السطحيه وهي التي تحرك السحاب بأمرن من الله واذا فكرت وقلت طيب ليه السحاب مايكون ثابت اذا الارض دورانها ثابت بتطلع مليون شغله الرطوبه السطحيه والعلويه وبخار الماء والكميات الي موجوده بالسما والمنخفضات والرياح سبحان الله عندك الهواء الشمالي يفرق السحاب بالصيف والشتاء اتوقع ريحها عالي حيل يمكن القطب الشمالي له تأثير الله أعلم بس انا اعرف اذا كانت شماليه جايه من بعيد او اذا جايه من قريب اذا من بعيد يتغير الجو بسرعه ويجي برد شديد واذا من قريب الجو مايتغير يكون علي حاله ولا يكون فيه برد وبكذا اعرف انها سطحيه وجايه من نسم سحاب ... والقطب الشمالي كبير وتزداد برودته بالشتاء عشان كذا ركز علي بروده الجو مع هبوب الرياح الشماليه والله العظيم ولا لك حلف علي ان مرات يكون الهواء جنوبي وبردها قوي واعرف ان هذا البرد جاي من الشمال وكلها ساعات وتهب الشماليه حتا المطر سبحان الله اذا وراه شماليه يمطر بغزاره ويخف بشكل سريع متكرر ماادري شلون اوصفه لك بس اذا صرت عندي بالصمان بعلمك ^&^
والله يالغالي حنا ماعندنا كليات او معاهد تعلمنا نفس الفلكين بأختصاصهم اوعلم المناخ وغيره وعشان كذا انا احب تكون فيه معاهد عشان نستفيد بس مايجزمون بعلم الغيب...
يوم كنت صغير سئلت المدرس اذا الارض ثابته ليه اذا طرنا بالطياره من الشرقيه لجده ورجعنا للشرقيه ليه المسافه نفسها ليه ماتنقص او تزود اذا كانت الارض تدور ضحكو علي الطلاب والمدرس معهم وقتها تضايقت بس المدرس قال هناك فيه جاذبيه بالكوره الارضيه لكن الي مايعرفه المدرس والطلاب الي معه ان الجاذبيه الي يتكلمون عنها هي حافظه من الله سبحانه تحفظ لنا الكوره الارضيه ولا يكون هناك لخبطه بالرحلات الجويه الي بالغلاف الجوي وقتها صدق ماكنت اعرف لكن سؤالي اكبر من المدرس والطلاب كنا نتناقش عن دوران الارض وهدفي اني ابين لهم ان الله سبحانه حافظ لنا الارض بالغلاف الجوي وان الارض اذا كانت تدور او ثابته الله حافظها لنا واذا يبي يغير فيها شي أمرها سبحانه