[تركي الوايلي]

المشاركة الأصلية كتبت بواسطة ابن ماجد

السـلام عليكم

يوم متعب جدا جدا خذنا المشوره وتوكلنا على الله في نزول الأمطار على الأمكان اللي قالوا عنها بعض الخبـراء وشدينا الرحال من الرياض ومسكنا طريق القصيم ع المجمعه وصولا لـ عنيـزه في طريق الذهاب مالقينا الا عجاج ورياح مثيره للأتربه والسحاب في المناشي زين ولين اقبل الا هو ضعيف !!!!!
صلينا المغرب بعنيزه وعج والجو غير محمس ابد حتى العزبه مانزلت من سوء احوال الجو هواء وتراب وبعد الصلاة بشوي لمحنا البـرق قبله واسفهلينا وقلنا ممكن ان هذي السحب اللي تكلموا عنها وحذر البعض منها !! لكن سحبان الله الين اقبلت ( خلبت ) وماطاح من هالسحب الا امطار متوسطه وديمة وصفى الجو لكن المطر ( طشطشة شـوارع لا أكثر ) مدة تواجدي بعنيزه لا اعلم بعد الرحيل هل زاد ام توقف وعند العوده لازمنا المطر الين تعدينـا المجمعه همن جانا عج عظيم يالله نمشي الين اقبلنا على العتش وانقطع تماما وصفت الأجواء ودعسنـا ووصلنا بحمد الله . مراويح الصيف صعب التنبؤ بها الا من وفقه ...
والله يجيب الخيـر .

عليكم السلام ورحمة الله وبركاته

طيب والصور والاخبار التي يقولها الاخوه بمناطق كثيره من القصيم وسيول غرب القصيم وكذلك جنوب وجنوب شرق حائل

عموماً الحمد لله على سلامتكم والغبار ياما وياما حذرنا منه وفوق ذلك ماهو شيء مستغرب وجود الغبار لمثل هذه الايام جراء العواصف الرعديه

وشكرا لك