ناض برق الشمال وهاض قلبي خياله ... هيّض القلب برّاق تخيله عيوني
ياعسى المزنة الغرّه تعدى شماله ... يم دار الشمال اللي غلاها فتوني
ياعسى السيل يغفي سهلها مع جباله .. يروي السيل قاع ترتجي للمزوني
بعد مده تشوف العشب غطى سهاله ... وام سالم تلاعب طيبات اللحوني
راعي الذود مستانس يرتع حلاله .. والعرب جالها وسمن على مايبوني
راعي الصيد جتله صيدته ماعنى له .. في ربوع الشمال اهل القنص يقنصوني
راعي البر جمّع عزبته مع دلاله .. فوق شهب الجيوب وقرروا يطلعوني
مع رجال خيار رجال ماهم حثاله .. طيبين على سلف العرب ينتخوني
يعجبونكـ مطنخ والخوي طاب فاله ... ياعسى فالهم طيب وهم يسلموني
منوة النفس هذه ليت منهو يناله .. ليت حلمي يصير وتنجلي به حزوني
ناض برق الشمال وهاض قلبي خياله ... هيّض القلب برّاق تخيله عيوني
ياعسى المزنة الغرّه تعدى شماله ... يم دار الشمال اللي غلاها فتوني
اللهم أغثنا