لوان قولت اح تبري المجرح
كثرت قولت اح وابريت روحي
ميران قولت اح مالي بها صح
زود(ن) على مابي تنقض جروحي
عليك ياللي لحني بالهوى لح
لحة خطاة العجل خطو اللحوحي
جيته نهار العيد يرقص ويلفح
العين خرسا والمبيسم ذبحوحي
العام يومن الحبيب على صح
يفرح بالهرجه وقلبه نصوحي
واليوم يوم ان الحبيب تنزح
لاقلت ريض قال عجل(ن) بروحي
توي دريت انه بفرقاي يفرح
اثره يبي غيري وانا اتعبت روحي
-------------------------------------
الشاعر الكبير --
صقر النصافي -- رحمه الله