السلام عليكم ورحمة الله وبركاته
يا أخواني انا لي ثلاث ايام من الصباح الى المغرب وانا احوووس وافرررر في هالبران بس ما لقيت شئ لكن ما زال
عندي امل بالله كبير اني انا اواحد المواطنين يلاقيه .....بصراحه تضايقت اول ما سمعت بالخبر ....اخذت اجازه من
دنيتي وجهزت نفسي وطلعت ادور عليه .....خلوني اعطيكم تفاصيل لبعض الأماكن اللي قلبتها فوق تحت
يا شباب انا اتوقع ان اخوي علي اللحيدان يمم وجه شطر الدهنا شمال رماح والجهات اللي هناك يعني ياليت
الناس اللي رايحه تدور عليه تدور بالمناطق اللي هناك وياليت يتوزعون عشان تكون عندهم منهجيه وخطه في
المسح الأرضي لأجل التأكد من مسح اكبر مسافه ممكنه .....
قالوا لي بعض الزملاء دور عليه عند الوسيع وجلست يوم كامل اتراسل معاهم وكنا حاطين خريطه عشان المسح
الأرضي لهجرة الوسيع وما بعدها من رماح ....شمالا .....وتوزع بعض الأخوان للبحث عنه جنوبا من رماح الى
طريق الدمام .....لكن لم نعثر على اخونا علي الى الأن ...........
الأن انا وبعض الزملاء ننوي اعادة البحث عنه بطريقه اخرى وسوف نعيد توزيع انفسنا بحيث ننتهي من رماح
الى الدهناء شمالا مرورا بروضة التنهات ايضا ............
ياليت ياشباب اللي يبي يدور عنه يحاول يدور عنه في هذيك المناطق أما الجنوب ما أتوقع يكون اخوي علي راح
من جهته لسبب بسيط وهو أني ثلاث ايام جالس في المناطق هذيك ادور عليه انا وبعض الأصدقاء .....
وكل ما جتني اشارة للكنوود خفق قلبي مستعدا للبشاره بلقياه .....لكن اسأل الله جل وعلا ان يوفق الباحثين عنه
بأن يجدونه وكم أتمنى وادعوا الله وارجوووه بأن يكون بأتم صحه وعافيه وسلامه ياااااااااارب...
يعلم الله اني لا أعرفه ولم التقي به ابدا في حياتي لكني ومن باب اخوتي الأسلاميه أحببت ان أعين ولو بمقدار
ما أستطيع للبحث عنه ........وكم يقترب حدسي كثيرا بأن اخي علي ربما اقول ربما يكون في الدهناء ....والله أعلم
لكن يا شباب ابيكم تعلموننا ببعض النقاط المهمه في عمليه البحث ...
النقطه الأولى: ماهي المناطق المحببه الى اخونا علي وهل هو من محبي المناطق الرمليه او الحزوم
يعني وش اقرب شئ الى نفسه الرمل او الحزم الدهناء والا الصمان ....
النقطه الثانيه : هل معاه جهاز ارسال كنوود او ايكيوم .....
النقطه الثالثه : اخر نقطه انقطع عنكم فيها ووووين .....؟ وياليت احد يسأل اهله وين كان رايح بالضبط
وهل قالهم انه مطول والا لاء.........
النقطه الأخيره وهي الأهم :: الجيب اللاند كروزر اللي بالصوره هل الكفرات عليه نفسها والا مغيرها لأنه انا
يهمني النقشه اللي على الكفر ..........
انا الأن اراسلكم من الرياض وان شاء االله بكره راح ارجع من الساعه 4 فجرا للبحث عنه اسأل الله جل وعلا
ان يعيده الى أهله سالما غانما وهو بكل خير وصحه وعافيه .....
للعلم بالشئ .....
انا متواجد غدا صباحا في مناطق رماح على تردد 46800
بالكنووود واللي طالع هناك يراسلني عشان نكثف الجهود للوصول اليه .....بيلاقيني بأسم نداء // بــــرق الشمال //الله يعيدك يا اخوي علي اللحيدان سالم غانم لأهلك يااااااااارب
اسألتي ربما لا تعني لكم الكثير لكنني مهتم بمن يجيب عليها.....