اخبي الشعر عن عينه اخاف انه يجي يقراه
اخــــــاف اكدر احساسه بحـــــزن يكسي احساسي
دفنت الحزن في قبر الضلوع اللي بكت فرقاه
واجر الاأه بحـــــروفٍ بكت فــــــي صدر كراسي
دموع الشعر حرمان المعاني همهمات واه
جمر هجرن ودموع فراق في حــــبري وقرطاسي
انا بعت الخلايق كلها والناس لجل رضاه
لانه كــــــان لـــي ربعي واهلي وديرتـــــي وناسي
احبه والله الشاهد وهذا البعد ما اقواه
اكــــــابر واتظــــاهر بالصــــــبر لين انكسر باسي
انا من لي بعد عينه انا ما ابغي سوى دنياه
ابيه بسيف وصله يطعن همومــــــــي وهوجـــاسي
بكى في داخلي طفل ٍ بحبه والــــــوفا رباه
انـــــــا وهذا الطفـل عقبه يتــــــامى واليتــم قاسي
نسى قلبٍ جعلته خاتمن في خنصره خلاه
نسى حبي نسى قــــــربي نسى اللهفه بانفـــــاسي
نسى ذيك العيون اللي تموت بطلعة محياه
نسى دافـــــــي عتابي وغــــــرام ٍ شـــــامخ راسي
يقول القلب لاتنساه واقول شلون بس انساه
انـــــا وشلون ابنسى من غـــــرامه تــاج لـراسي
هذاك اللي انا وانت ياقلبي لي امــر طعناه
هذاك اللـــــي بنظـــره من عيونه يـورق يباســي
هذاك اللي تفز الروح ولهانه على طرياه
هذاك اللي بغيــــابه عن عيوني ابعد نعــــــاسي
ياليته يرجع ويرحم خفووق ٍ ذاب من فرقاه
يـــــاليته يرجع لقلــبي ويحيي موت احســـاسي