|
ذهلت من هذي الصورة في احد فياض الحدقه !!!؟؟
1 مرفق
السلام عليكم ورحمة الله وبركاته
وين بيطلع العشب !! ليش مايكون عند اهل الرحلات والكشاته ثقافة ؟؟ شلون يدخلون بالسيارت الي الفياض ... هذا اسمه دمااااار للعشب ولن يقعد يومين او ثلاثه .. دايما نعرف ان السيارة تكون على جانب الفيضه اي في الصلب .. وانت تسحب فرشتك او زوليتك في الداخل وتستمتع بريحة العشب .. الواحد لابد ان يكون فيه "ايثار" !! حراااام الي يصير هذا .. هذا دمااااار للعشب .. ارجوا ان تكون عندنا ثقافة بالرحلات والكشتات وهو نظافة المكان وعدم شب النار داخل الفياض خاصة .. وشاكر للجميع ارجو ان اكون وصلت المعلومه واحنا في بداية الموسم .. والله يجعلنا احنا وياكم من اهل الخير والعطاء والايثار والنعمه ويجعلنا من الشاكرين .. وهذي الصورة الي شفتها بأحد حسابات الانستقرام وهي حديثه .. https://www.albrari.com/vb/attachment...2&d=1385804726 |
يقول حد الشيبان عندنا مايذهب العشب غير بعض من يطاردون المطر !! تحصله يدخل الفياض عشان يصور موتره مع العشب ويبغى صوره حلوه عموماً يعطيك العآفيه على مانقلت لنا وللامانه الصوره ماطلعت عندي لكن فهمت عليك من كلامك والله يزين الحال |
صحيح كلامك عين الصووواب وهاذا دمار للعشب
|
الحق حق ويقال والزعل مرفوض فقط بالسعودية نشاهد تدمير للبيئة من قبل الشباب فقط بالسعودية نشاهد النظافة منعدمة اثناء خروجهم للبيئة الصحراوية فقط بالسعودية نشاهد مجازر يقوم بها بعض الصياديين لأصطياد الطيور وبعض الحيوانات البرية فقط بالسعودية نشاهد احتطاب جائر وتدمير للرقعة الصحراوية والكلام يطووووووووول ويطوووووووووول لكن اتمنى من الجهات المختصة القبض على كل من يحاول تدمير البيئة او يحاول اصطياد الطيور او الحيوانات وردعهم بالسجن وان لايقل عن خمس سنوات وغرامة مالية لاتقل عن 100 ألف ريال لكي يكونوا عبره لمن يعتبر |
يا استاذ تركي والله لو تيجي جدة وتشوف ايش يسون في البحر
في بعض الاحيان ما تقدر تجلس في البحر من الروائح |
الله يهديهم
المفروض يوضعون لهم اسياج بارك الله فيك اخوي طايع الله ليت الناس كلهم زيك |
السنه ربيع
ان شاء الله على معظم بلادنا والباذر طلع (الا فتق)وبان لكن هل (كثرة) الرواد للبر من قبل شهر حتى لاحقا يجعل العشب يطلع ويكبر على مهله ؟ او تعدمه (مواطي الكفرات) ؟! وكذلك (الكمأ) اظن انهم الا (يحرثون) الارض من الان ولاعاد تميز كثرت وسائل المواصلات ورسائل الواتس اب الله يستر |
تركي الوايلي كلامك سليم
ياخي المفروض الشعب يصير واعي ومثقف والله حرام تدمير الطبيعه والربيع الطيب |
ترى الربيع ما يطول 6شهور الا وهو مختفي وخل الناس تستمتع في هذه الأجواء
لان مناخنا صحراوي جاف وقليلا ما نشاهد الربيع والله الموفق. |
الله يهديهم
شاكر لك |
| الساعة الآن 06:39 AM |
Powered by vBulletin .
جميع الحقوق محفوظة © لشبكة ومنتديات البراري 2010