|
سحاب - حمام ياللي طوح الصوت يمي
السلام عليكم ورحمه الله وبركاته ا\خواني اخواتي الغالين الي عنده احدوالديه يبرفيهم شور من شارعليكم وخص الام ترا الام هي السعاده هي الدنيا شوفوني شايب بس لاضاق صدري صرت اتوجد على امي الله يرحمها ودي الاها حيه وحظنها الين تشبع روحي المهم ما قدرت اكمل بس شيلوها في عيونكم فهي لا تتكررفي الحياه الا مره واحده فقط كــم كـــــنـــــت اتــمـنـى لـو كـــنـتي بــقـربي و أقــبـل قــدمـيك(رحــمك اللـــــه)يـــاأمــي حمـــام ياللــــي طــــوح الــصـــــوت يمـــي مـتـعـلـيــن فــوق الغــصـــون الــرفــيــعـــه نــوحـــــك أنــا مـابــــيـــه وزوت هــمــــي فـجـعـتـنـــي جـعــلــك تـــذوق الـفـجـيـعــــه ذكــرتـنــي يـــاطــيــــر الاحــــزان بـمـــــي الــلـــــي لـهــا بــالـــقـلــب دارن رفـيــعـــه وهــلــت دمـــوع الـعـيـــن ويـخـفـيـه كـمــي أخــاف هــــراج الــقـفــى بـــي يــــذيـعـــــه أكـتـــب واشــاهـق كـنـــي مـفـطـــوم كـنـــي شـفـهـــا دمــوعـي لاذكـــرتــك ســـريـعــــه أقــســـم بــربــي عــقـبــك الــحــال ســمــي مـضـــى الـعـمـــر وانـــا اتــحــرى ربـيـعــه ودي أشــوفـــه شـــوف لــوهــــو تــمـنـــي وعـجــزت حـلــوم اللـــيـل يـمـــي تــجـيـبـه قــــالـو تـصــبـــر قــلــت مـشـتــاق لأمـــي شــوقـي لـهـا عـجــزت ضـلوعــي تـشـيـلـه سحاااب شقراء ------------------------------------------ وهذي القصيده يالغالين شايلها اخوي الغالي عزام الحميضي الله يحفظه وهذا كلامه السلام عليكم ورحمه الله وبركاته اسعد الله ايامكم بالخير ... الحقيقه محتار ولا ادري كيف ابدا ولا من وين ،،، لكن في هذه الدنيا هناك من ترتاح له ولكلامه ولمشاعره تجاهك والعكس وهذا مالمسته من اخي سحاب نجد وعندكم اسمه سحاب شقراء له معزه في قلبي برغم اني لم اقابله يوما واقول له هذه الابيات كتبتها على عجاله =========== في ذمتي بعض البشر يسوى الاوطان ســـبـحان ربٍ رازقـــــه زود تـقـــديــر لو زان فيــني الــوقت والا بعــد شـان طيب وفعل ايديـــه تــكفـي عــن الغيــر ماكذب ليامن قلت من طـهـر الامــزان وماكذب ليا قلت الخوي مثله الخيــــر لو هو طلب روحي تجي دون حسبان اهديه روحي وافتدي لــــــه غنــاديــر =========== الحقيقه حاولت اسجل قصيده لك اخوي سحاب ولا ادري وش القصيده اللي راح تكون لك قريبه دون غيرها دخلت ملفك ولقيت قصيده الرثاء في الوالده رحمها الله وغفر لها وليس هناك اغلا من الام فكيف لو كان رثاء فيها ؟ ومالقيتها كامله وكلمت اخوي الله يعطيه العافيه يارب عشان يجيبها كنت ابي اهديها لك مفاجأة اتمنى ان تكون قد المستوى مع اني سجلتها على عجاله لاني منشغل جدا بسفرتي للعلاج الله ييسرها ولكن اوعدك بتسجيل قصائد لك تكون افضل هذا هو الرابط مباشر https://f.cl.ly/items/1R1P0v0p1L0K272...B%E2%80%AC.mp3 واسف اذا ضايقتك ولكن حداني اكتبها هنا للدعاء لها حقيقه قصيده ابكتني وانا اسجلها |
جعلك ووالديك للجنة ، نصحت وكتبت بيض الله وجهك ياراعي شقرا
والكلام اللي يجي عقب تجربة وحياة ودروس وعبر يكون له وقع وتأثير أبلغ من بعض الخطب الله لايهينك ياعمنا والله يرزقك بر العيال . |
سحاب شقراء مكسبٍ للبراري
شاعر مميز يستحق الاشـــاده شكرا من الاعماق على اختيارك البراري لنثر إبداعاتك على أرضها الخصبة .. تحيتي |
شكرا لمن أضاف / كلمة شاعر .. للشاعر الخبير .. سحاب شقراء
والان يحق لك أخي سحاب شقراء دخول مجلس الشعراء ، إلى الأمام ...... تحيتي |
اقتباس:
الله يجزاك بالجنه ووالديك وكل مسلم والله يجزاك بالفردوس الاعلى من الجنه يومك دعيتلي ببر العيال الله يصلح لنا ولك العطا الله يحفظك من كل شر يالغالي اسعدت قلبي اسعد الله سنينك |
اقتباس:
ياهلا ويامرحبا بخوي غانم وهذا شي يشرفني ان اكون احد اعظاء البراري فهذا المنتدى العملاق له شهرته وهو يشرف اي انسان ينتمي اليه بصراحه ويكفيني حبكم لي وترحيبكم بي يالغالي والله يحفظك من كل شر |
اقتباس:
الله يحفظك يالغالي من كل شر وااشكرك من كل قلبي على تشجيعك لي باالاستمرار فكلماتك تعطيني الدافع القوي على الاستمرار الله يحفظك من كل شر ويوفقك |
جميل جداً مانثرته لنا شاعرنا القدير .. سحاب شقراء ..
شعور تدمع له العيــن .. ويبكي له القلب .. وكيف لا وهي كلماتٌ قد نسجتها في أغلى إنسانه الا وهي ( والدتك ) أسأل الله تعالى أن يغفر لها وأن يرحمها ويسكنها الفردوس الأعلى من الجنة .. كما أسألهُ عزّ وجـــل أن يطيل في عمرك وأن يعيــنك على طآعته وأن يحفظ لك أبنآءك ويجعلهم من الصالحيــن البــارّين بكم اللهم آميـــن ,, تقبّل مشاركتي المتواضعه رذاذ |
اقتباس:
ياهلا ويامرحبا ومسهلا بالغاليه رذاذ الله لا يحرمك الاجر على دعائك يالغاليه وهذا من طيب اصلك يالغاليه وبالنسبه للشعر منكم نتعلم يالغاليه الله يحفظك من كل شر ونا بصراحه معتبر نفسي شاعر بس احاسيس امر فيها وا قولها مما في الخاطر فرحتيني بمرورك يارذاذ الله يسعد قلبك ويوفقك والله يجعلك من اسعد خلقه قولي امين |
اقتباس:
آميـــن يارب ... دمعت عيناي لردك الجميل كثيراً .. لاأعلم ماالسبب .. !! قد أكون بحاجة مآسّـه إلى الدعــاء ، وجاء الدعاءُ منك على ماكنتُ أرجو وأتمنّـى تذكّـر دوماً بأنّ نبينا محَمّـد عليه الصلاه والسلام قد قآل : " ما من عبد مسلم يدعو لأخيه بظهر الغيب إلا قال الملَك: ولك بمثل " وبإذن الله لك بمثل أستاذنا سحاب شقراء فقد تفتح لي هذه الدعوات منك أفُقاً من السعادةِ الأبديه ... تأكد بأنني بإذن الله لن أنساك من الدعاء ماحييت .. رذاذ |
| الساعة الآن 12:51 AM |
Powered by vBulletin .
جميع الحقوق محفوظة © لشبكة ومنتديات البراري 2010