شبكة البراري - ماهو الموقف الصعب الذي مر بك؟

وعليكم السلام ورحمة الله وبركاته
فعلاً لكل منا مواقف ولعلي اتذكر ذلك
الموقف المضحك تقريباً ايام المراهقة كنت في احد الاسواق
اتمشى وطفران حيث اني كنت في معهد مهني والمكافأة
كانت بسيطة وايضاً كان الوقت العصر وحر على الكيف
وانا اتمشى الا وباب سوق ينفتح تماتيك ويقفل الا ويشدني
ذلك البراد على الكيف المهم دخلت ولا انتبهت انه سوق خاص بالعوائل
واكثره نسوان المهم عرفت اني توهقت الا وشوف قدامي باب
ابي النحشة وماهي لحظات للخروج الا بيدٍ تسحبني من ظهري
والتفت الا وهم رجال الهيئة حفظهم الله https://up.albrari.com/uploads/13477320123.gif

وهذا الحوار الذي دار معهم .
رجل الهيئة : وش عندك
ابوطلال : أتمشى واشوف لي شيء يصلح اشتريه
رجل الهيئة : تتمشى بسوق نسوان والا تغازل
ابوطلال : والله ماانتبهت !!
رجل الهيئة :قدامي للمركز
ابوطلال : ابشر
رجل الهيئة : نكتب عليك تعهد
ابوطلال : حاضر
رجل الهيئة : تسمح افتش المحفظة والجوال
ابوطلال : سم
رجل الهيئة : تقول تتمشى وبتشتري وانت طفران
ابوطلال : فضل الصمت
رجل الهيئة : انت شار ب شيء
ابوطلال : لا حرام ماعمري شربت الا ماء وعصير
رجل الهيئة : لايكثر ووقع على التعهد https://up.albrari.com/uploads/13477320122.gif
ماصدقت اني اوقع على التعهد وحط رجلي مع الباب https://up.albrari.com/uploads/13477320121.gif
الا اشوف خلف المركز الهيئه ساحة صغيره لجلد المغازلين
اللي عليه 50 جلدة واللي 100 المهم الله لايبلانا https://up.albrari.com/uploads/13477320911.gif
وحمدت الله كثيراً ومن عقبها اذا شفت سوق
عوائل امشي عنه 5 كيلو
اعذرونا على الاطالة .
الله يعطيك العافيه اخي الكريم