|
فزعه من أهل الدوادمي
السلام عليكم ورحمة الله وبركاته
حياكم الله أبي وصف دقيق من الرياض إلى الدوادمي وكم تبعد عن الرياض وكم الوقت المستغرق للطريق وهل الطريق مزدوج وامن من الماشيه ولكم جزيل الشكر |
ان شاء الله يفدونك الاخوان
انا أعرف من القصيم الى الدوادمي |
باذن الله يفدونك الاخوان
|
حياك الله أخوي
يوجد عدة طرق للدوادمي وأعتقد أن أكثرهم يسلك طريق لبخة وهو عن طريق الرياض الطائف السريع وبعد حوالي 170كم تقريبا طبعا قبل ماتوصل القويعية يجيك مخرج لبخة وحويته لف معه يمين بعد ما تتعدى الطويلة فيه خط يروح يمين لا تلف معه رح على طول مع الخط اللي يقطع النفود الين توصل القرنه ينتهي الخط رح يسار خلاص سيده يوديك للدوادمي الطريق مابين 250 الى 300 كم تقريبا من كبري لبخة الى الدوادمي حوالي 100كم تقريبا الطريق سيد واحد ومزحوم وقت الاجازات وفيه ماشية إن شاء الله أني أفدتك |
الله يوفقك ويسر لك امووورك ويستر عليك من الطريق
ويحفظك وترجع لاهلك سااااالم غاااااانم وان شاء الله الاخوان افااادوك الله يوفقهم ويوفقك دنيا واخره |
الله يعطيكم العافيه شباب
|
اقتباس:
احد الشباب فادني عن طريق مع مخرج مزعل و مرات ايهم افضل إلي وصفت لي ولا الثاني ولك خالص احترامي |
وعليكم السلام ورحمة الله وبركاته
ان شاء الله الشباب يفيدونك ينقل لقسم التواصل بين الاعضاء بحكم تواجد اصحاب جميل الميول في المنتدى وتروح وترجع بالسلامة تقبل مرووري |
حياك الله اخوي
طريق مزعل مزدوج وجيد لكن يعيبة وجود بعض التحويلات وأعمال الطرق فالطريق لم يكتمل على حسب معلوماتي ويبعد حوالي 290 كم تقريبا اما طريق الرياض ضرما مرات من الرياض الى مرات في حدود 150 كم تقريبا وهو مزدوج ثم مع الدوار داخل مرات تروح يسار مع طريق يسمى خط ابن تنيبيك وهو سيد واحد تمشي معه حدود 40كم تقريبا ثم ينتهي الخط تروح يسار سيده 90كم تقريبا يوديك للدوادمي يوجد في الطريق بعض التحويلات ومسافة الطريق حدود 280كم تقريبا وفيه طريق اخر مع طريق حريملاء شقراء أو ضرما شقراء وجميعها مزدوجة 180 كم ثم الى الدوادمي حدود 120 كم جزء منه مزدوج والباقي سيد واحد به اعمال طرق على حسب معلوماتي طبعا الطريق يبعد حوالي 300كم تقريبا اتمنى لك التوفيق |
| الساعة الآن 02:28 AM |
Powered by vBulletin .
جميع الحقوق محفوظة © لشبكة ومنتديات البراري 2010