|
(ملحـــــــــــــــــــمة حــــــزن) والله يــــــــــــــــــــعين
الله من هم ٍ بقلبي ما اكبره متعب ٍ حالي وخلاني حزين الفرح في وسط جوفي بعثره صرت في عالم معاناته سجين لأنفتح باب السعادة سكره أصفق ابكفين يسرا باليمين ضحكتي والله صراحة تستره لأبدى ليلي أسامر دمعتين كاس من يمنى حياتي كسره طاحت احطامه بجوفي كسرتين والله إنه في طريقي عنتره سيفه الأبتر بقلبي مستكين من زمان أول وهذا متجره قلبي اللي مهتنا دوم ٍ رهين ليت لي قدره أزيله واقبره أنتهي منّه واريح مايجين والله ان الحال ماهي تقدره بشتكي لله ربي هو يعين يا إله الكون قلبي صبره الطف ابحاله شكى هم ٍ دفين كن في قلبي مصانع منجره و الله إنه ياإلهي مهتوين شوكة اللي في طريقي بذره كله من شان السعادة ما تجين و الله إنه يا جماعة ما خبره فارق القلب المعنا ساعتين يلعب بقلبي يمين و ميسره صوب اسهومه وخلاني طعين جوي اللي مهتني به غبره في ظلامه في يميني شمعتين كل حظ ٍ في زماني سنتره كل بسمة من شقاته ما تبين كل جرح ٍ في ضميري ثوره كل باب ٍ سكره قفله متين مزنة اسنية بجوفي ممطره تمطر وتسقي بقلبي بذرتين هم غم ٍ كسر ربي يجبره ليتها تنبت ورود وياسمين من عذابه دمع عيني نثره يبتهج لامن سمع صوت الونين حلمي الغالي رسمته شفره مخفي ٍ رقمه عليّه ما يبين بيته اللي في حشايا عمره ناوين يسكن على طول السنين كلما شاف الاماني مثمره جاك مستفزع معه غم ٍ عوين آه من هم ٍ صراحة ما قشره سارين بالدم يوم إني جنين سهمي الرابح ببنكي خسره مالفاني يا جماعة مشترين ليتني أقدر أهينه واحقره مير همي يا هلي والله ذهين لا لمح طير السعادة ذيره عيني تنظر له والوح باليدين صرت في عالم زمانه مسخره مره يطعني ومره يكتوين أحمد المعبود ربي واشكره محصي ٍ خلقةإله العالمين بصبر بحكمة إلاهي واذكره خالق ٍ خلقة من ماء ٍ مهين ياعظيم الشان دربي يسره يسره له لي يادليل الحايرين أنت رب الكون بأمرك نوره يا إلاهي يا مجيب السائلين ( مخـــــــــــرج ) ناس ٍ بها الدنيا سعيده بالأفراح وناس ٍ شقيه تشتكي من تعبها وناس ٍ تحده للقصى وين ماراح وناسٍ تجيله طايعه ما حسبــها وناس ٍ بتالي الليل ترقد وترتاح وناس ٍ من همومه تزايد لهبــها وناس ٍ تشوفه مبتسم دوم مزاح همه على روحه خطير ٍ عطبها وناس ٍ زمانه ما صفاله ولا رتاح جمع حباله في يديه وكربــها وناسٍ ٍ تذوق الماء مبرد ومرتاح وناس ظماها بيّن ٍ من تعبها وناس ٍ لها مال ٍ كثير ٍ ولا نزاح وناس فقيره لقمته ما كتسبها وناس ٍ زمانه صوبه بحد الأرماح من شدّ همه دمعـته ما سكبها وناس ٍ تضارب سهمها حدّ الأرباح وناس ٍ تناجي ربها من غلبه |
مير همي يا هلي والله ذهين
لا لمح طير السعادة ذيره حبيت اوضح ان الشطر الثاني باكثر الابيات عندما يكون هو الشطر الاول يكون اكثر روعه وجمال.. ............................ وناس ٍ تحده للقصى وين ما راح وناسٍ تجيله طايعه ما حسبــها اعجبني هالبيت كثيرااااااا..وصف للحاله من اروع مايكون ..عبد المحسن العمر الله يعطيك العافيه..يعلم الله اني دخلت للصفحة وشفت شعر جزل ااستمتعت به ..صح لسانك |
كلما شاف الاماني مثمره
جاك مستفزع معه غم ٍ عوين آه من هم ٍ صراحة ما قشره سارين بالدم يوم إني جنين سهمي الرابح ببنكي خسره لا انكسر لك سهم حنا نجبره كلنا جنبك عسى ربك يعين الشاعر : عبدالمحسن العمرو ، سلم البنان والفكر واللسان تحيتي |
صح لسانك ياابومالك على هذه الجزالة والجمال
|
,
صح لسآنك اخوي .. استمر ، |
ناس ٍ بها الدنيا سعيده بالفراح
وناس ٍ شقيه تشتكي من تعبها وناس ٍ تحده للقصى وين ما راح وناسٍ تجيله طايعه ما حسبــها وناس ٍ بتالي الليل ترقد وترتاح وناس ٍ من همومه تزايد لهبــها وناس ٍ تشوفه مبتسم دوم مزاح همه على روحه خطير ٍ عطبها وناس ٍ زمانه ما صفاله ولا رتاح جمع حباله في يديه وكربــها وناسٍ ٍ تذوق الماء مبرد ومرتاح وناس ظماها بيّن ٍ من تعبها صح لسانك والله على هالجزله واللي جت بالصميم كفوووو وماقصرت عليها ننتظر جديدك بالتوفيق |
نسيت أقول شي وأنا مدري يمكن إني غلطان في ووهو إن في المخرج تقول
ناس ٍ بها الدنيا سعيده بالفراح وأعتقد إن فيه خطأ إملائي وتكتب الأفراح إن أصبت فالحمدلله وإن أخطات فــ السموحة بالتوفيق |
الله الله على هالروعة
ماشاء الله تبارك الله عليك يا ابوي انشهد انك ماقصرت تسلم يمينك |
عبدالمحسن
تسلسل رائع للقصيده صح لسانك حتى ترضى |
| الساعة الآن 05:05 AM |
Powered by vBulletin .
جميع الحقوق محفوظة © لشبكة ومنتديات البراري 2010