|
غير صالح للنشر 1
هذه القصيده لم أفكر يوما من الأيام أن يراها أحداً أحببت أن تسمعوا من قصائدي الخاصة والغير قابله للنشر أتمنى لكم رحله ممتعه مليت من ريحة بلادي ضاقت علي الصناعيه معصير يذرى من الوادي ويرشنا كل ظهريـــــه وحرٍ كما النار وقادي من شدته يحرق الفيه والنفس ما تقبل الزادي أعرض لها الزاد ومعيه طريا السفر طير رقادي الله على الديره الحيه يامسندي واخر اولادي إنهــج بنا صوب تركيه مال السفر غير ردادي يهوى الديار الشماليه أبسبقك واركب شدادي فرخ الهمر ماطلع زيه الله على شوف ابوزادي باعلى الجبال المسيحيه في فيلة العم ابو فادي اللي على التل مبنيه بستانها كنه المادي وكل الفواكه طبيعيه يصدح بها الطاير الشادي وترقص طرب كل قمريه قال الخوي جنبنا نادي وتشوف للزين ماريه يامحلى غض الانهادي اللي تقل وصف حوريه طش الجلب خلك البادي شبّك ترى الوضع حريه ولا صار ما بينكم حادي إسهر على انور مخفيه إستنشق الورد والكــادي طلع غبار السعوديه طلع غبار السعوديه لولا الحيا قلت له عادي المعذره مالنا نيـّــــــه أنا هوايه ببــــرادي ودله من البن بريه جولاي أوقست ميلادي رجب وشعبان هجريه أمطار من دون رعادي وهتان في كل عصريه تجلى عن النفس الاهادي وتعطيك دفعه إضافيه إن جيتها جيتها بادي أدلّه النفس بالجيه يمين ما اروح للنادي مادام بالبيت نشميه الله عطا والله الهادي يهدي جميع العزوبيه المشكله شايبٍ غادي مازال يطرد ورى غيه يلبس بناطيــــــل ولادي ويرقص على أنغام غربيه ياشيخ ما عندك أولادي ولا فيه في بيتك بنيه بطل زنى بطل عنادي لا تلحق السيه السيه ... هذا القسم يتمتع بسريه وحريه بلا حدود طيب .. عطونا من قصائدكم الغير صالحه للنشر والا بس أنا أجيب الفضايح وانتم ياعيننني تحيتي لكم أحبتي |
صح الله السانك شاعرنا القدير الله يزيدك من فضله مودتي لك
|
الله الله الله لو ندري من زمان سوينا القسم هذا
تسلم اخوي غانم وصح لسانك |
اقتباس:
يا أبا عمر .. إذا وضعت الحرب أوزارها .. فتعم بالشام وبمن زارها . هل تريدنا نتطمن على أحوال الأمة هناك .. فهم بحاجة إلى من يمسح دموع الثكالى واليتيمات ! .. تحيتي |
اقتباس:
توفي جدي رحمه الله قبل ثلاث وثلاثون سنه عن عمر يناهز 125 سنه وفي أخر عمره رحمه الله أتت إلينا جريدة الجزيره لعمل لقاء معه . اللي حصل إنه رحمه الله توقفت ذكرياته في الفترة ما قبل ال سعود حينما كان من أفراد الشريف .. وكلما سأله الصحفي سؤالا عن السبله ومهنا والشنانه يكون الجواب عن الاحداث اللتي كانت بتلك الحقبه الزمنيه . المهم إن الصحفي قال : أنت وجدك غير صالحين للنشر هههه حبيب قلبي لا خلا ولا عدم ، بس أنت شاعر عطنا لا تبخل علينا ما دامنا في قصائد غير صالحه للنشر تحيتي |
لـي صاحـب ٍ يانـاس مـحـلا حـلايـاه
خفيـف دم ٍ ياعـسـى الــرب يحـمـاه لــه نـظـره ٍخـلــت قلـيـبـي علـيـلـي امـكـحـل ٍخـلـقـه مـلـيـحـه مــزايــاه لــه غـمـزه ٍ بـالـخـد لأمـــن تـبـسـم وبانـت مـع البسمـة حبيبـي ثنـايـاه متفـلـجـة يـاويــل حــالــي عـلـيـهـا وشفايفـة يـاهـي صغـيـره مـسـواه خشـم ٍمثـل سلـت سيـوف ٍشطـيـرة وخـده مثـل بــرق ٍحـقـوق ٍبمنـشـاه لاجيـت لـم شعـره نعومـة حريـري أســود مـثــل لـيــل ٍنـهــاره تـقـفـاه والخصر غصن الموز ياويل حالي خـلــت حـيـاتـي كلـبـوهـا مـشـقــاه أتـيــه بـالـدنـيـا سـبـايــب هــواهــا عجـزة أبنسـى ياهلـي دوم طـريـاه أتعبنـي فـي حسنـه شبيـه الغزالـه جعـل السعـاده مــا تـفـارق محـيـاه تلعـب بقلبـي لعبـة عظـيـم ســاري حـايــر ولالـــي غـيــر آه ٍواويـــلاه فـي مشيهـا تشبـه فريـخ الحمامـه سبحان مـن صـور حبيبـي وسـواه فيها الدلع دايم صراحة يجنن اقفت بقلبي ياهلي في مطاياه لأمن فقدته دمع عيني تنثر حبيب قلبي و الحشا دوم مرباه و الله يا عمري تراني متيم في حبكم يا غلا المحبين منساه أنتي الهنا وأنتي حلاة المودة وأنتي بقلبي والسعادة تغشاه والله لو غابت حياتي دقايق يجتال فكري في حبيبي وحلياه يا زوجتي ياغلا المحبين أنتي أسمك بقلبي والتحايا هداياه الباقي عاد مشفر |
فعلاً غير صالحه للنشر
جميل جدا أن تترك العنان لفلم فكرك يسرح ويمرح كيفما شاء ، كالعسيف من الخيل التي تجوب الفيافي بلا عنان ، فهي شعر لسلامة الوزن وليس شعر لخروجها عن نظام الشعر المقفى الذي هو بيت القصيد . إنها لحست مخي أنا قبل زوجتك أضحك الله سنك .. حينما لا يلتزم الشاعر بالقافيه فإنه يستطيع ملٍء الصفحات دون عناء ، لو أخترت تسعة أبيات منها على أي بحر تريد الإبحار فيه لخرجت برائعه تكون ردودها مذهله . حفظك الله لنا ولها .. ولاء منقطع النظير . المسيار أزيلك ! مكتمل الشروط الشرعيه وستر ووناسه في ساعات الفراغ المتفق عليها والمجدوله مسبقاً . مالمشكله أن نساهم في القضاء على العنوسه .. ما فيها شي وحتى الجمعيات الخيريه تحث على ذلك ، نحتسب الأجر عند الله ؟ تحيتي |
صح لسانك ياابو سامي على هذه الرائعة
|
صح لسانك يا عبدلمحسن العمر قصيدة جميلة
فعلا مثل ماقال ابو سامي لو اختصرتها وبتركيز لكان افضل |
اقتباس:
حياااااااك يالركام أين قصائدك الغير صالحه للنشر .. والا ما تبغانا نمسك عليك ممسك ههه كل منا لديه قصائد رهينة الأدراج ، ومن مبدأ تحرير كل رهين من الشعر ، فإننا نطالب وبشده الإفرااااج عن ما تخفيه أدراجكم السريه .. والله ان عبدالمحسن ما قصر .. ياحبي له بس انت يالركااااااام .. إلى متى وانته ركام .. خلاص هات السالفه .. أنا أثق بجميع من يرى الغير صالح للنشر أنه لن ينسخه أو ينقله . يعني هااات تحيتي |
| الساعة الآن 08:21 AM |
Powered by vBulletin .
جميع الحقوق محفوظة © لشبكة ومنتديات البراري 2010