عسى منازلهم بطوبي وتسنيم
 

[align=center]
ياسليم ياجعل السحاب المرازيم
اللي مزونه لانشت كالــــجبالي

ياخذ ثلاث ايـــــام ومزونها ديم
ومن بعدها ينشي ثقيل الخيالي

مدرار وبله منهمرصادق الغيم
يمطرعلى قبرن نزل فيه غالي

يروي ثرىقبرن نزل فيه ياسليم
نورالــــعيون بمظـــلمات الليالي

اللي مضى عندي نظرعيني امقيم
واليوم غاب وشد عنــــــا الرحالي

ياعونة الله حطــــم الحال تحطيم
من غاب لكن صورته في خيالي

وبعد الفراق وقاسيات المقاسيم
وسط البشر ومسيت كني الحالي

كن العيون ابحجرها يرتكز سيم
من كثر همالن على الخد سالي

مادام دمــــع العين ما فيه تحريم
جودي بعبراتك على اللي غـدالي

يامكلمن موسى من النــــاس تكليم
اجعل لهم من تحت عرشك الظلالي

وجعل منازلهم بطوبى وتسنيم
اللي تراءونه كما النجم عالي

[/align]

يروي ثرىقبرن نزل فيه ياسليم
نورالــــعيون بمظـــلمات الليالي


صح لسانك اخي هماليل المخيل بحت فابدعت ورحم الله ميتكم واموات المسلمين وآخر الأحزان

صح لسانك ياهماليل المخيل على هذا الابداع

صح لسانك واعتلا شانك جزله يالقرم
احساس اليم ومشاعر موجعه اخوي هماليل المخيل
لاهنت ابوي ..

مسلمين الخالق الكون تســـــليم .......... هو خالقي مالي سواء رب والي
يضومري مرتك ياطيب الخيـــــم ........... مرور همالن خيـــــــــاله اثقالي
يامهندس القيفان حنكه وتصميم ............ الله وهبـــــك النادرات الجزاليالي
لصار فيها يابيض الوجــــه تقييم .......... ميــــه على ميــــه ولابه جدالي

هلا اخوي سمو المشاعر صح بدنك وبارك الله فيك على دعاك الطيب وحضورك المبكر دمت بخير

صح لسانك وتعلا شانك يشرفي اخوي الركام مرورك الطيب