|
عقب البطا لاقيت ظافي الجديلات
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السبب قال الليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم الليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود الليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا ماالتقينا وبعد فترة تكررت عقب البطا والتقينا = من عقب مامرن سنينٍ طويلات في صدفةٍ فيها حشا مادرينا = ولاهقينا نلتقي عقب مافات لاشك جابتها الليالي وجينا = رغم الفراق ورغم ذيك المسافات في موقٍف بان التوتر علينا = لحظه تلين إبها القلوب القويات قالت شلونك قلت ربك عوينا = الحمد لله عاضني عقب لوعات الله رزقني في هنوفٍ تبينا = احيت خفوقٍ كان بعداد الأموات هي نور عيني فرحتي والضنينا = ألقابها عن ظيقة الصدر سجات قالت سليت وقلت عقبك سلينا = لكن عقب مالاعنا الحب مرات قالت شلون وقلت لاتسألينا = مافات فات ولا تفيد الحسوفات قالت تكلم قلت مهما حكينا = الدمع ماينفع عزيزٍاليامات قالت نسيت وقلت لامانسينا = لكن قنعنا والقناعه من الذات قالت أروح وقلت وش في يدينا = روحي عسى في كل خطوه سلامات بصبر على فرقاك مهما حيينا = ولا تشوه صادق الحب زلات قالت على ماكنت دنيا ودينا = تكرم ونكرم عن دروبٍ رديات قلت اسمحي لي قبل لاترحلينا = يم الديار اللي علينا بعيدات تراي ذخرٍ لاحدتك السنينا = اجيك مهما واجهتني صعوبات من اليوم اخوك وغيرها ما بغينا = كلي فداك ان صار بالوقت ميلات وتبسمت بإعجاب مدري حنينا = وتهشمت قدام عيني بعبرات قالت فمان الله قلت انتهينا = واقفت تكلم نفسها بس بسكات وقفت تقديرٍ لها ثم مشينا = دربٍ مشوه اهل القلوب العفيفات امشي واردد ليتنا ماالتقينا = وش جابها عقب السنين الطويلات شعر سعود الهاجري |
وقمت اتذكر كل شيٍ لنا فات
................... قبل ايتغير بالمحبه حدينا جميلة جدا صح لسان شاعرها..الله يعطيك العافية شاعرنا على هذا الانتقاء.. اعجبني هذا البيت كثيرا..لك الود والاحترام |
عجزت الكلمات ان توفيك حقك وتكسرت امواج الثناء امام اختيارك وسكن القمر لروعة حضوركـ واشرقت الشمس بهجة في جميل طلتك ووقف العقل حائرا في قوة طرحكـ حفظك المولى من كل سوء مسك تقبل ردي وباقة وردي وتقييمي وعيوني بعد على هذه التحفه الى قدمتها لنا يا سلام عليك يابو سعووود والله مميز |
قصيده رائعه اخوي الركام اعجبتني جدا اشكرك على هذه الذائقه الجميله بارك الله فيك |
ماشاء الله يابوسعود وش هالذوق الراقي
عشنا مع هالقصايد فيلم بجد رووعة وانتقاء فريد من نوعه |
ابيااااااااااات اكثر من رااااائعه يعطيك الف عافيه لآعدمنا جديدك المميز دائماً |
الله يعطيك العافيه
أخي العزيز الركام أختيار موفق وذوق راقي لا عدمنااااااااك ودي |
أستودع الله في بغداد لي قمراً = بالكرخ من فلك الأزرار مطلعه
ودعته وبودي لو يودعني = صفو الحياة وأني لا أودعه شكراً يا ابا سعود على إطلالتك الجميلة |
اقتباس:
بارك الله فيك |
اقتباس:
وهذا الاطراء بارك الله فيك |
| الساعة الآن 09:34 PM |
Powered by vBulletin .
جميع الحقوق محفوظة © لشبكة ومنتديات البراري 2010