يـــــاعيونــي علميني وش بغيتي
 

ياعيوني علمينـي وش بغيتـي


يوم نومك طار ناويـتٍ نوايـا


انتي البارح ماهي عاده قزيتـي


كن بجفونـك رمـد والا كوايـا


خابرين الي تبينـه لـو كميتـي


شوفة الصمان مدهال الرعايـا


حالفٍ لتبع هواك إليـا مشيتـي


دام عشب الصلـب باقلـه بقايـا


مع ديار مطير قد رحتي وجيتي


والخباري قد وردناهـا ملايـا


لو تغيب الشمس فيها ما غديتـي


لو يجـي للخـط لفـات ولوايـا


وقد مشيتي بالفياض وقد رقيتي


قارتٍ في راسها رجـم وحجايـا


اضربي دربٍ تبينـه لا عميتـي


ومري المشلوف قدمك والخبايـا


السفـاري واقـفٍ قـدام بيتـي


من عطايا الضيغمي جزل العطايا


من عطايا الشيخ يايدي امتليتـي


بدر قبلي قد عطا نـاسٍ خفايـا







الشاعر/ فلاح العراك

حيااااك الله

أختي أيمان وصح لسان الشاعر وصح ذوقــك

ودي

منورهـ اختي أيمان

صح لسان الشاعر ويسلم الذووق المميز

بنتظار جديدكـ

وأعلى تقييم

صح لسان الشاعر

بارك الله فيك

أبـــــــــــــيات رآآآآقت لي
الله
يعطيكـ العافيه