شبكة البراري - كشتة صباحية فيها ما لذ وطاب

السلام عليكم ورحمة الله وبركاته
بعد صلاة الفجر يوم شفت ان الجو براد قلت يابو فراس لا يفوتك الغضا هالحين تبي تلقاه فاضي كل الناس اللي بالمدرسة او بالعمل وخذ راحتك مع اني اتصلت على واحد ولا رد (قلعته)
المهم قررت ان ازين خبزي بيدي وحيث اني عجل مريت على الخباز واخذت منه عجين مقدار قرص واحد يبي يكفين انا والضيف ان سير علي احد
ويوم وصلت والا هاك الغيوم والجو الزين
1
https://img695.imageshack.us/img695/5373/66802562.jpg
2
على طول شبيت الضو حتى احكر القهوة والشاهي ويجمر حتى نسوي خبزنا
https://img268.imageshack.us/img268/1512/1186132393.jpg
3
ابكثر الصور علشان واحد ببالي يحب كثرتهن واقترح على حتى يطول وهو يقرا الموضوع ويمخمخ عليه واستجبنا لغربته
https://img822.imageshack.us/img822/4408/1186132394.jpg
4واول مازان فنجال قهوة يطرد ازعاج المدينة وتبدا بالهواجيس
https://img828.imageshack.us/img828/3949/1186132397.jpg
5وقدوع وصى عليه الخبراء
https://img88.imageshack.us/img88/9595/1186132401.jpg
6
وفنجال شاهي صافي لحد يقول خفيف ترا ما اعزمه بعدين
https://img35.imageshack.us/img35/905/1186132404.jpg
7
واثناء انتظار الخبز خذ كم صورة وجرب واشغل روح يامال الغنيمة وهذي صورة لحبيبة اهالي عنيزة شجرة الغضاء
https://img16.imageshack.us/img16/6770/1186132405.jpg
8
والان نعود لخبزنا واعذرون لاني لحالي (يعني بمفردي) ما قدرت اصور الخطوة الاولى لفرد العجينة تخبرون الايد مليانة عجين والكمرة غالية
بعد ان فردنا العجين بصحن الكنافة (اسفين يا ام فراس)احتجناه المرة وان شاء الله نشري ليتس واحد بداله (ايه كثر منهن) غطيناه بالغطا حتى تنتشر الحرارة وحماية له من الحشرات او رمل او اي شي مزعج
https://img825.imageshack.us/img825/7927/1186132406.jpg
9
وبعد خمس دقائق حسب قوة دافورك يكون القرص استوى من الاسفل
https://img844.imageshack.us/img844/2369/1186132407.jpg
10
بعد ان استوى القرص وتكون الجميرات جاهزات نقلب الصحن بعد ان نرفع الغطاء عنه لكي يتقمر وجه القرص ويستوي اكثر
https://img90.imageshack.us/img90/9990/1186132408.jpg
11
وكذلك حسب قوة جمرك وحرارته انت قدر له الوقت المناسب وهذي النتيجة قرص يحبه قلبك مقمر على مزاجك
https://img15.imageshack.us/img15/1070/1186132409.jpg
12
وهذا الوجة الاخر للقرص المقرمش
https://img714.imageshack.us/img714/3043/1186132412.jpg
13
ومع الحليب والشاهي ما ينتفوت تغميس به
https://img16.imageshack.us/img16/1382/1186132413.jpg
14
ايضا نبي نكثر من الصور
اماهن ببلاش
https://img819.imageshack.us/img819/5010/1186132414.jpg
15
وانت تاكل وموسعن صدرك خذ لك كم صورة يامال الغنيمة ترا الربع يستاهلون
https://img51.imageshack.us/img51/6439/1186132415.jpg
16
مثل ما قلت لكم ترا الصور ببلاش
اصبروا لا تروحن باقي صورة مهمة
https://img705.imageshack.us/img705/2994/1186132416.jpg
17
وهذي النتيجة الفتاكة ولا تعلم احد يبلشك بعدين ويقول سو لي معك قرص لين اودي العيال والبنات للمدارس واجيك

https://img842.imageshack.us/img842/4981/1186132417.jpg
18
وهذي القرص ما ادرس وش يسمونه تحطه بين الدافور والخبز حتى يتم توزيع الحرارة على القرص كله ولا يحترق
https://img10.imageshack.us/img10/1094/1186132418.jpg
19
وهذي صورة اخرى له
https://img825.imageshack.us/img825/6513/1186132419.jpg
20
وهذي صورة النهائية قبل الرحيل الحزين حيث اني تلقيت اتصالا من طبيب الزراعة لعلاج بعض الاغنام عندنا بالمزرعة ولابد ان اكون متواجدا هناك ولكن ان شاء الله نعوضكم بكشتة ثانية تكون اوسع وقت
https://img593.imageshack.us/img593/9084/1186132420.jpg
وفي النهاية اتمنى ان تحوز على رضاكم