شكوى صديق
عندما يشتكي اليك صديق عزيز جدا(خارج المملكه) ولا تملك اي وسيله للمساعده. فهنا يتدخل الشعر للتخفيف من المعانات... يابوفـهـد ضـيـقـت صدري بشـكـواك = الامــــر لله ما لنا فـيـه حـيـلـــــه عـنـد الـولي يابوفــهـــــد داك ودواك = الله كــريـم وكـل هـمٍ يـزيـلــــــــه نشـفـق على من كان مثلك وشــرواك = نـشـفـق على اللي مايمد الهـزيله عـز الله انك هـقـوت اللي تـهـقــــواك = ربيع في وقت الـسـنـيـن المحـيله ماضاق صدر اللي على الدرب خاواك = ياعون من ضاعت عليه الوسيله يابوفـهــد عـسـى الـبـلاوي تــعـــداك = وعـلـيـك سـتـر الله يضـفي شليله يابوفـهـد كان اسـود الـوقـت عــاداك = ولاعـتـك بقعـاء بالحمول الـثـقيله وبالمـعـمعـه يابوفـهـد تاهـت اريــاك = وحسيت وسط الصدر مثل المليله عـليك باللى من عـنـا الوقـت ياقــاك = ربٍ كـريـمٍ مايـضـيـَع دخـيـلـــــــه الـمـشـكـلـه يابوفـهـد ماقـدر انصـاك = الـوقـت ضـيـق والـمسافه طـويله والا انت تـسـتـاهـل عـنا من تــعـناك = مثلك ترى يستاهـل اللي يـجـي له احمد بن عبدالرحمن العريفي (نديم المجره) |
صح لسانك وبيض الله وجهك قصيدة جزلة ومعاني جميلة وردك وافي عـليك باللى من عـنـا الوقـت ياقــاك = ربٍ كـريـمٍ مايـضـيـَع دخـيـلـــــــه |
أسأل الله العظيم أن يكتب لـ أبو فهد الشفاء العاجل
وصح لسانك يانديم المجره والله يبيض وجهك على وفاء الأصدقاء |
بارك الله فيك
شاعرنا الرائع لا هنت على هـ الابيات الجميله ودي وأحترامي |
اعزائي اسعدني مروركم الله يسعدكم تحياتي |
معذرة فالصندوق الماسي لا يعمل ..
وقد أزلت التنسيق من القصيدة الجميلة التي تفرض نفسها .. حتى ولو لم تكن منسقة .. فحروفها الذهبية تكفي .. الله عليك يانديم . . دائما حروفك مميزة .. تدخل القلب بسهولة مفرداتها وسمو معانيها .. دمت ودام نبضك .. تحيتي |
صح لسانك شاعرنا نديم المجــره
كتبت فأبــدعت .. فـ لله درك على كل ماخطّتهُ يداك .. رذاذ |
بارك الله فيك
شاعرنا الرائع لا هنت على هـ الابيات الجميله ودي وأحترامي |
نديم المجره https://www.albrari.com/vb/servtop.co...er_offline.gif
شاعر متمكن https://www.albrari.com/vb/images/medals/221111.gif صح السانك ولاهنت وانا اشهد ان البشت لايق عليك وتستحقه في زمن كثرت فيه البشوت نص وافي وراقي كصاحبه احترامي وتقديري |
صح السانك شاعرنا نديم والله يكون في عونه
|
الساعة الآن 09:55 AM |
Powered by vBulletin .
جميع الحقوق محفوظة © لشبكة ومنتديات البراري 2010