|
دكتور العيون
السلام عليكم ورحمه الله وبركاته قصيدة قديمه للشاعر/ محمد بن فطيس عندما كان مسافر للبحرين لأجراء عمليه اسم القصيدة/دكتور العيون (يامؤمن الريفي )انا جيتك زبون.. .. جيتك على مدح اكثر الناس وعنيت جيت وتعالى الله عمّا يشركون.. .. لولاه (يامؤمن) لطبك ما اهتديت راضي بحكم الله علي مهما يكون.. .. عالج عيوني لو بعد طبك عميت ودي اخاشر فالبصر من يبصرون.. .. واشوف دربي لا سرحت ولا ضويت والى قنصت اثبت مع اللي يثبتون.. .. واشوف طيري كل ما اوميت ودعيت ياااكثر ما يضرب خويي (الطابلون).. .. من كثر ما اكلّته مطباات وكليت وودي اشوف اللي علي يعرضون.. .. وبعض الليالي ودي اسري دون ليت وااشوف ناس ٍ فالقفا ما يرحمون.. .. اما وقفت لصاحبي والا مشيت من دون نظاره ولا هم يحزنون.. .. يااا كثر ما كسّرت كشمات وشريت لكنٌ يا دكتور جعلك ما تهون.. .. ابغيك كلمت راس دامك ما بديت اسمع......ولا ابغي اللي وزانك يسمعون.. .. ربي كتب يكشف لك اسراري وجيت صورة عديل الروح عندك فالعيون.. .. واخاف تقطعها بموسك ما وعيت ولا عليك امر..اطوها تحت الجفون.. .. وعقبه لو تقطع عيوني ما شكيت هي راس مالي والعرب ما يدركون.. .. اني على باب الممات و ما حكيت ياقو قلبي يوم قفن الضعون.. .. اللي على ذاك الموادع ما بكيت ويا صبر صبري والعواذل يحسبون.. .. اني دلهت من الهوى والا سليت اسكت عساهم من سكاتي يسكتون.. .. وانا عن اللي في ضميري ما انتهيت وادور الفرحه مع اللي يسهرون.. .. وان ذكروني خذت فنجال وسريت اخذت من وقتك يا دكتور العيون.. .. عالج عيوني لو بعد طبك عميت واستر علي واللي معك لا يفطنون.. .. انت الوحيد اللي بعد ربي دريت |
رائع على هذا التقديم وقصيده من شاعر رائع
تسلم ويعطيك العافيه تحياتي |
رائع يالغالي وروعه اختيارك الف شكرلك مشرفنا المميزوالخلوق دائما بورك فيك من رجل يشهدالله اني احبك في الله تحياتي لك ابوداااااااااااااحم |
من أروع ماقريت لأبن فطيس قصيده قمه في الروعه والجمال واختيار يدل على ذوق رفيع صح الله لسان الشاعر وسلم ذوق الناقل ولاتحرمنا مشاركاتك اخوي بندر لك مني كل الشكر وتقبل مروري ابو ناصر الشريف |
صح لسان أبن فطيس ودامت لنا ذائقتك الراقيه بـ أختيارك للنصوص وهـ اــذا دليل أبداعكـ ِ تسلم أخوي / بندر |
روووووعه يسلم هالذووووق الراااائع من أجمل قصائد الشاعر محمد بن فطيس ماشاءالله عليك اخوي بندر ذوووقك راااااااقي والف شكر |
اقتباس:
اقتباس:
شكراً اخوي فتى الرابيه |
اقتباس:
هلا وغلا بابوداحم تسلم لي يالغالي على هالمرور والاطراء الجميل ويعلم الله انك تحب الي يحبك لاعدمتك عزيزي |
اقتباس:
حيا الله مشرفنا ابو ناصر الشريف اشكرك اخوي على المرور الجميل لاعدمتك يالغالي |
اقتباس:
اشكرك اخوي على مرورك واعجابك لاعدمتك |
| الساعة الآن 07:37 AM |
Powered by vBulletin .
جميع الحقوق محفوظة © لشبكة ومنتديات البراري 2010